Keshe eks-ministr Qýandyq Bishimbaevqa qatysty qylmystyq is boiynsha alqabiler alqasynyń qatysýymen alǵashqy otyrys ótti, - dep habarlaidy Dalanews.kz.
Protsess ashyq rejimde ótti. BAQ ókilderi úshin sot otyrysynyń onlain-transliatsiiasy bar jeke zal uiymdastyryldy. Sondai-aq, is-shara Joǵarǵy Sottyń YouTube arnasynda kórsetildi.
Otyrysta memlekettik aiyptaý tarapy is boiynsha aiyptaý aktisin oqydy.
Kelesi sot otyrysy 29 naýryzyda saǵat 10:00-ge belgilendi. Aldaǵy otyrystar da tikelei efirde ótedi.
Aita keteiik, alqabiler alqasyn irikteý rásimi de keshe ótti. Sotqa kelgen 102 kandidattyń ishinen 12 alqabi (10 negizgi jáne 2 qosalqy) tańdaldy.
Irikteý alqabiler alqasynyń qaýipsizdigin qamtamasyz etý maqsatyndaǵy zań shekteýlerine bailanysty jabyq sot otyrysynda ótti.
Aita keteiik, byltyr Qýandyq Bishimbaev áielin uryp óltirdi degen kúdikpen qamaýǵa alyndy. Qazir sot otyrysy ótip jatyr. Burynǵy ulttyq ekonomika ministri Qýandyq Bishimbaevtyń bul birinshi qylmystyq isi emes.
Ol 2018 jylǵy naýryzda 10 jylǵa bas bostandyǵynan aiyrylǵan bolatyn. Burynǵy sheneýnik para alý jáne aqsha jymqyrý isterinde aiypty dep tanylǵan edi. Bishimbaevtyń sot isi tórt aidan asa ýaqytqa sozyldy. Onymen birge bul iste 22 adam sotqa tartylǵan edi. Olar "Báiterek DEVELOPMENT" AQ eks-qyzmetkerleri, kásipkerler jáne qurylys kompaniialarynyń ókilderi boldy. Eks-sheneýnik 10 jylǵa sottalsa da, týra 19 ai ótkende bostandyqqa shyqty.
