Bul týraly Sybailas jemqorlyqqa qarsy is-qimyl ulttyq biýrosyna silteme jasap kaz.tengrinews.kz habarlady.
«Bishimbaev top bolyp, aldyn ala kelisim jasaý arqyly asa iri kólemde birneshe ret para alyp otyrǵan. Zańsyz alǵan qarajatty Bishimbaev óz qajetine jaratqan», — dep habarlady Antikorrýptsiia qyzmetiniń ókilderi.
QR QPK-niń 128-babyna sáikes, Bishimbaev Astana qalalyq IID-niń ýaqytsha tergeý ustaý izoliatoryna qamaldy. Sotaldy tergeý jalǵasyp jatyr.
Aita keteiik, 2016 jyldyń 30 jeltoqsanynda ulttyq ekonomika eks-ministri Qýandyq Bishimbaevqa qatysty tergeý sharalary júrip jatqany belgili bolǵan edi. QR SIM basshylyq quramymen kezdesýinde Nursultan Nazarbaev Qýandyq Bishimbaevtyń qyzmetten bosatylǵanyn málimdegen bolatyn.
Aita keteiik, 29 jeltoqsanda Timýr Súleimenov ulttyq ekonomika ministri bolyp taǵaiyndalǵan bolatyn. Oǵan deiin bul ministrlikti Qýandyq Bishimbaev basqarǵan bolatyn. Ol bul qyzmette 8 ai ǵana bolǵan. Qýandyq Bishimbaev ulttyq ekonomika ministri qyzmetine deiin «Báiterek» holdingin basqarǵan.
17 qarashada «Báiterek DEVELOPMENT» AQ basshylary ustalǵan bolatyn. Sybailas jemqorlyqqa qarsy is-qimyl ulttyq biýrosy «Báiterek DEVELOPMENT» AQ basshysynyń para alý deregine qatystysotqa deiingi tergeý jumystaryn júrgizgen edi. Tergeý barysynda «Báiterek DEVELOPMENT» AQ laýazymdy Jaqypov A. (Basqarma tóraǵasynyń orynbasary), Aitymbetov B. (memlekettik-jekemenshik seriktestik direktsiiasy departamentiniń basshysy) jáne Sariev Ǵ. (basqarýshy direktor) esimdi laýazymdy tulǵalar júieli túrde «Nurly jol» memlekettik baǵdarlamasy aiasynda jaldamaly turǵyn úi keshenin satý qyzmetterin kórsetetin qurylys kompaniialarynan iri kólemde para alǵany anyqtaldy.
