Sotta Qýandyq Bishimbaevtyń uialy telefony áli aiǵaq retinde ashylmady, - dep habarlaidy Dalanews.kz.
Bishimbaevtyń advokattary onyń telefonyn zertteý sot zalynda mindetti emes ekenin aityp, ótinish jasady. Biraq Núkenovanyń otbasynyń advokattary men prokýrorlar Saltanattyń uialy telefony zerttelgenin atap ótti.
Artynsha Bishimbaevtyń qorǵaýshylary onyń telefonyn ózderi ashýyn surady.
"Sotqa uialy telefonnyń qupiia sózin bersek ózgerister jasalyp ketýi múmkin. Sondyqtan Bishimbaevtyń telefonynyń qupiia sózin ózimiz terip, artynsha is materialdaryn zerttegennen keiin sotqa qupiia sózdi bere alamyz", - deidi eks-ministrdiń advokaty Erlan Ǵazymjanov.
Eske salaiyq, buǵan deiin Qýandyq Bishimbaev uialy telefonynyń qupiiasózin advokatynan basqa eshkimge bermeitinin aitqan bolatyn.
Bishimbaevtyń advokattary qupiiasóz ashyq aitylsa onyń ishindegi jeke aqparattary tarap kete me dep qorqatynyn jetkizdi.
Jábirlenýshi tarap Qýandyq Bishimbaev qupiiasózin ashyq aitýdy talap etti.
