بيشىمبايەۆ تەلەفونىنىڭ قۇپيا ءسوزىن ءالى بەرمەدى

كوركەم الدابەرگەنوۆا 22 ءساۋ. 2024 12:19 1482

سوتتا قۋاندىق بيشىمبايەۆتىڭ ۇيالى تەلەفونى ءالى ايعاق رەتىندە اشىلمادى، - دەپ حابارلايدى Dalanews.kz.

بيشىمبايەۆتىڭ ادۆوكاتتارى ونىڭ تەلەفونىن زەرتتەۋ سوت زالىندا مىندەتتى ەمەس ەكەنىن ايتىپ، ءوتىنىش جاسادى. ءبىراق نۇكەنوۆانىڭ وتباسىنىڭ ادۆوكاتتارى مەن پروكۋرورلار سالتاناتتىڭ ۇيالى تەلەفونى زەرتتەلگەنىن اتاپ ءوتتى. 

ارتىنشا بيشىمبايەۆتىڭ قورعاۋشىلارى ونىڭ تەلەفونىن وزدەرى اشۋىن سۇرادى. 

"سوتقا ۇيالى تەلەفوننىڭ قۇپيا ءسوزىن بەرسەك وزگەرىستەر جاسالىپ كەتۋى مۇمكىن. سوندىقتان بيشىمبايەۆتىڭ تەلەفونىنىڭ قۇپيا ءسوزىن ءوزىمىز تەرىپ، ارتىنشا ءىس ماتەريالدارىن زەرتتەگەننەن كەيىن سوتقا قۇپيا ءسوزدى بەرە الامىز"، - دەيدى ەكس-مينيستردىڭ ادۆوكاتى ەرلان عازىمجانوۆ. 

ەسكە سالايىق، بۇعان دەيىن قۋاندىق بيشىمبايەۆ ۇيالى تەلەفونىنىڭ ءقۇپياسوزىن ادۆوكاتىنان باسقا ەشكىمگە بەرمەيتىنىن ايتقان بولاتىن.

بيشىمبايەۆتىڭ ادۆوكاتتارى ءقۇپياسوز اشىق ايتىلسا ونىڭ ىشىندەگى جەكە اقپاراتتارى تاراپ كەتە مە دەپ قورقاتىنىن جەتكىزدى. 

جابىرلەنۋشى تاراپ قۋاندىق بيشىمبايەۆ ءقۇپياسوزىن اشىق ايتۋدى تالاپ ەتتى.   


ۇسىنىلعان
سوڭعى جاڭالىقتار