Qýandyq Bishimbaev apelliatsiialyq sot otyrysynda málimdeme jasady, - dep habarlaidy Dalanews.kz.
"Men búgin advokattarym aitqan nárselerdi qoldaimyn. Maǵan, meniń qorǵaýshylaryma dálelderdi keltirýge múmkindik berilmedi. Bul jaily sot otyrystarynda birneshe ret aittym. Tipti kóptegen materialmen tanysýǵa múmkindik berilmedi. Eshkim shyndyqty estigisi kelmeidi. Sheshim de aldyn ala shyǵyp qoiǵan. Advokattarymnyń aitqanyn qoldaimyn", - deidi Bishimbaev.
Buǵan deiin Qýandyq Bishimbaevtyń advokaty Erlan Ǵazymjanov eks-ministrge qatysty shyqqan úkimmen kelispeitinin aitqan bolatyn.
"Men advokat retinde bul úkimmen kelispeimin. Ol zańsyz dep esepteimin. 106 - bap-abaisyzda adam óltirý, ózgertilgen bapqa sáikes jazany tómendetý kerek dep esepteimin. Al Azaptaý baby boiynsha úkimniń kúshi joiylyp, is basqa quramda jańa qaraýǵa jiberilýi kerek dep sanaimyn", - deidi advokat.
Ǵazymjanovtyń sózinshe, birinshi satydaǵy sotta 20 zańbuzýshylyq bolǵan kórinedi.
Aita keteiik, búgin Qýandyq Bishimbaev pen Baqytjan Baijanovqa qatysty qylmystyq istiń apelliatsiialyq sot otyrysy bastaldy.
Joǵarǵy sottyń qylmystyq ister jónindegi sot alqasynyń tóraǵasy Nazgúl Rahmetýllinanyń aitýynsha,apelliatsiia bir ai ishinde qaralady.
Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
