Saltanat Núkenovanyń ólimine qatysty is boıynsha Bıshimbaev pen Baıjanovtyń apelásıalyq soty bastaldy, - dep habarlaıdy Dalanews.kz.

Buǵan deıin Joǵarǵy sot Qýandyq Bıshimbaev pen Baqytjan Baıjanovqa qatysty qylmystyq is apelásıalyq satyǵa túskenin habarlady. Sýdıanyń 11 maýsymdaǵy qaýlysymen isti qaraý 2024 jylǵy 26 maýsymǵa saǵat 10.00-ge belgilengen edi.

Sot otyrysy tikeleı efırde ótip jatyr.

Buǵan deıin Májiliste Joǵarǵy sottyń qylmystyq ister jónindegi sot alqasynyń tóraǵasy Nazgúl Rahmetýllına bul shaǵym qansha ýaqytqa deıin qaralýy múmkin ekenin aıtty.

Májilis kýlýarynda Joǵarǵy sot ókili sotqa alqabıler qatyssa da sottalýshylar shaǵymdana alatynyn málimdedi.

"Alqabılerdiń qatysýymen shyǵarylǵan úkimge taraptar shaǵymdana alady. Ol úshin apelásıalyq saty bar. Kelispese, shaǵymdanýǵa quqyly", - dedi sot alqasynyń tóraǵasy.

Rahmetýllınanyń sózinshe, apelásıa bir aı ishinde qaralady. Biraq buǵan keıbir jaıttar áser etýi múmkin.

"Apelásıalyq organdar qaraýǵa úlgermeı jatqan jaǵdaılarda uzarýy múmkin. Mysaly, advokattar belgili bir kúnderi qatysa alady jáne t.b. Zań boıynsha sottalǵandardyń apelásıalyq satydaǵy sotqa qatysýy sot tergeýi qaıtadan júrgizilgen kezde mindetti sanalady. Iaǵnı, keıbir qosymsha dáleldemelerdi zerttegende ǵana, basqa jaǵdaılarda sottalýshynyń qatysýy qajet ekenin nemese qajet emes ekenin apelásıalyq organ ózi sheshedi", - dedi ol.

Aıta keteıik, Bıshimbaev 24 jylǵa, Baıjanov 4 jylǵa sottalǵan edi.