Jeli men BAQ-ta eks-mınıstr Qýandyq Bıshimbaev kolonıadan tabylmaǵany týraly aqparat tarady. Qylmystyq-atqarý júıesi komıteti aqparatty joqqa shyǵardy, - dep habarlaıdy Dalanews.kz.

"Sottalǵan Bıshimbaev qashyp ketkeni týraly jalǵan aqparat tarap jatyr, bul shyndyqqa sáıkes kelmeıdi", - dep jazylǵan habarlamada.

Qylmystyq tergeý komıteti qazaqstandyqtardy jalǵan aqparat taratpaýǵa jáne tek resmı aqparat kózderine senýge shaqyrdy.

"Jalǵan aqparatty taratý deregi boıynsha qylmystyq is qozǵalyp, kináliler jaýapqa tartylatynyn habarlaımyz", - dep jazylǵan vedomstvonyń baspasóz qyzmeti habarlamasynda.

Aıta keteıik, bıyl 26 maýsymda Qýandyq Bıshimbaev pen Baqytjan Baıjanovqa qatysty qylmystyq istiń apelásıalyq sot otyrysy bolǵan edi. Alaıda olardyń apelásıalyq ótinishi qanaǵattandyrylmady.

Qýandyq Bıshimbaev 24 jylǵa, inisi Baqytjan Baıjanov 4 jylǵa sottalǵan bolatyn.  

Áıelin óltirgeni úshin 24 jylǵa qamaýǵa alynǵan Qýandyq Bıshimbaev eń joǵary qaýipsizdik mekemesinde jazasyn ótep jatyr.

Buǵan deıin QAJK ókilderi kolonıada eks-mınıstr úshin qolaıly oryn áli bos emes ekenin, sondyqtan jumysqa turmaǵanyn málimdedi.