جەلى مەن باق-تا ەكس-مينيستر قۋاندىق بيشىمبايەۆ كولونيادان تابىلماعانى تۋرالى اقپارات تارادى. قىلمىستىق-اتقارۋ جۇيەسى كوميتەتى اقپاراتتى جوققا شىعاردى، - دەپ حابارلايدى Dalanews.kz.
"سوتتالعان بيشىمبايەۆ قاشىپ كەتكەنى تۋرالى جالعان اقپارات تاراپ جاتىر، بۇل شىندىققا سايكەس كەلمەيدى"، - دەپ جازىلعان حابارلامادا.
قىلمىستىق تەرگەۋ كوميتەتى قازاقستاندىقتاردى جالعان اقپارات تاراتپاۋعا جانە تەك رەسمي اقپارات كوزدەرىنە سەنۋگە شاقىردى.
"جالعان اقپاراتتى تاراتۋ دەرەگى بويىنشا قىلمىستىق ءىس قوزعالىپ، كىنالىلەر جاۋاپقا تارتىلاتىنىن حابارلايمىز"، - دەپ جازىلعان ۆەدومستۆونىڭ باسپا ءسوز قىزمەتى حابارلاماسىندا.
ايتا كەتەيىك، بيىل 26 ماۋسىمدا قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىستىڭ اپەللياسيالىق سوت وتىرىسى بولعان ەدى. الايدا ولاردىڭ اپەللياسيالىق ءوتىنىشى قاناعاتتاندىرىلمادى.
قۋاندىق بيشىمبايەۆ 24 جىلعا، ءىنىسى باقىتجان بايجانوۆ 4 جىلعا سوتتالعان بولاتىن.
ايەلىن ولتىرگەنى ءۇشىن 24 جىلعا قاماۋعا الىنعان قۋاندىق بيشىمبايەۆ ەڭ جوعارى قاۋىپسىزدىك مەكەمەسىندە جازاسىن وتەپ جاتىر.
بۇعان دەيىن قاجك وكىلدەرى كولونيادا ەكس-مينيستر ءۇشىن قولايلى ورىن ءالى بوس ەمەس ەكەنىن، سوندىقتان جۇمىسقا تۇرماعانىن مالىمدەدى.
