Qýandyq Bishimbaev jazasyn jeńildetkisi keledi. Sebebi eks-ministrdiń isi Joǵarǵy sotqa túsken, - dep habarlaidy Dalanews.kz.
Qýandyq Bishimbaev pen Baqytjan Baijanovtyń isi Joǵarǵy sotqa tústi. Bul týraly aqparat sot kabinetinde jariialanǵan.
Is 5 tamyzda sýdiaǵa berildi.
Eske salaiyq, 23 shildede Bishimbaev qatań rejimdegi koloniiaǵa jetkizilgeni belgili boldy.
buǵan deiin Ishki ister ministrligi eks-ministr Qýandyq Bishimbaev koloniiada qandai jumys istei alatynyn aitty.
Bul týraly IIM qylmystyq-atqarý júiesi komitetiniń tóraǵasy, ádilet polkovnigi Teńizjan Jánibekov aitty.
"Birinshiden, Bishimbaev áli tergeý izoliatorynda. Ekinshiden, onyń jumys isteýine qatysty: óndiristik aimaqtarda túrli jumys bar. Ol "Eńbek" Respýblikalyq memlekettik kásiporynda mysaly aǵash, metall óńdeý salasyna jumysqa ornalasa alady. Qai jerde bos oryn bolsa sol jerge bara alady.
Bul máseleni jumyspen qamtý bólimi sheshedi, kelgennen keiin 15 kún karantinde bolady. Biz ony zertteimiz, odan ári tárbie jumysy júrgiziledi. Psihologtar basqa tutqyndarmen jumys istegendei Bishimbaev pen de jumys isteidi", - deidi Jánibekov.
26 maýsymda Qýandyq Bishimbaev pen Baqytjan Baijanovqa qatysty qylmystyq istiń apelliatsiialyq sot otyrysy bolǵan edi. Alaida olardyń apelliatsiialyq ótinishi qanaǵattandyrylmady.
Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
