Respýblikalyq advokattar alqasynyń tóraǵasy Aidyn Bikebaev áriptesterine úndeý joldap, advokattar alqalary basshylarynyń qatysýymen arnaiy keńeitilgen otyrys ókiziletinin málim etti, dep habarlaidy Dalanews.kz.
Jiynda "Bishimbaev isine" bas suqqan advokattardy jariia talqylaýdy toqtatý týraly másele qozǵalmaq. Onyń aitýynsha, sońǵy oqiǵa advokattardyń kásibi ádebine nuqsan keltirýde.
"Advokattardy Bishimbaev isine qatysatyn áriptesterin jariia talqylaýdy toqtatýǵa shaqyramyn. Bul áreketter kásibi ádep kodeksin buzýǵa ákelýi múmkin. Ár nárseniń shegi bolýy kerek. Árbir advokat advokatýranyń bedelin oilaýy tiis", - dedi ol.
Osy tusta ol aldaǵy ýaqytta advokattar arasynda respýblika deńgeiinde keńeitilgen otyrys ótkiziletinin atap ótti.
"Respýblikalyq advokattar alqasynyń tóralqasy aldaǵy kúnderi osy iske bailanysty barlyq másele boiynsha aýmaqtyq advokattar alqalary basshylarynyń qatysýymen arnaiy keńeitilgen otyrys ótkizedi", - dep sózin qorytyndylady ol.
Advokattyń jariialaǵan jazbasy kópshilik tarapynan keńinen qoldaý tapty. Áleýmettik jeli qoldanýshylary munyń durys sheshim bolatynyn jarysa jazýda. "Taǵylǵan kinániń, jasalǵan qylmystyń aýyrlyǵyna qaramastan árkimniń qorǵaný quqyǵy, kinásizdik prezýmptsiiasynyń saqtalýyn talap etý quqyǵy baryn zańgerler esten shyǵarmaýy kerek", "Durys aitasyz, Aidyn Jolshyuly! Men sizben tolyq kelisemin, qoldaimyn! Sot protsessinde aidan ashyq bir jaqty ótip jatqanyn kórýge bolady! Árine, men óz basym sottalýshy Bishimbaevty aqtap otyrǵanym joq, biraq bul jerde advokattardyń quqyǵy buzylyp otyrǵany belgili!", "Kei qazaqtildi advokattaryńyz únemi haip qýyp, ósek jazadyǵoi feisbýkte, advokattyq etikadan jurdai ne úshin sondailar baqylaýǵa alynyp, litsenziiasynan aiyrmaisyzdar? Talaidyń jeke ómirin jazyp tas talqan etti", "Óte durys sheshim! Uiat, kúlki boldyq jer júzine!100 % qoldaimyn!", - deidi olar.
Aita keteiik, Astana qalasynyń mamandandyrylǵan aýdanaralyq sotynda Qýandyq Bishimbaevqa qatysty qylmystyq is boiynsha sot otyrysy áli de jalǵasyp jatyr. Ony dúiim jurt Joǵarǵy sottyń YouTube kanalynan onlain tamashalaýda.
Azamattyq nekedegi áieli Saltanat Núkenovany óltirdi degen aiyppen sottalyp jatqan eks-ministr Qýandyq Bishimbaevty advokat Leila Ramazanova, Nazken Qusaiynova, Erlan Ǵazymjanovtar qorǵap jatyr.
Al marqum Saltanat Núkenovanyń aǵasy Aitbek Amangeldi men onyń otbasynyń advokattary – Janna Orazbahova men Aliia Omarova.
Eske salaiyq, 27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy.
Sonymen qatar, Qýandyq Bishimbaev sotta Saltanat Núkenovany asa qatygezdikpen óltirgenin moiyndamady. Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
Bishimbaevqa eki bap boiynsha aiyp taǵyldy: asa qatygezdikpen kisi óltirý (15 jyldan 20 jylǵa deiin nemese ómir boiyna bas bostandyǵynan aiyrý); qinaý (4 jyldan 7 jylǵa deiin bas bostandyǵyn shekteý nemese osy merzimge bas bostandyǵynan aiyrý).
Sondai-aq onyń týysy Baqytjan Baijanov ta kúdikti retinde qamaýǵa alyndy. Oǵan qylmystyq kodekstiń eki baby boiynsha aiyp taǵylǵan. Naqtyraq aitsaq, 432-baby (asa aýyr qylmysty jasyryp qalý); 434-baby (asa aýyr qylmysty habarlamaý).
