Áleýmettik jelilerde áıelge shabýyl jasaǵan sát kórinetin vıdeo tarap ketti. Jeli qoldanýshylary jábirlenýshi Qýandyq Bıshimbaevtyń isi boıynsha tergeýshi ekenin de aıtty, - dep habarlaıdy Dalanews.kz.
Polısıa málimetinshe, bul aqparat shyndyqqa janaspaıdy.
"Jábirlenýshin áreketiniń bul tergeýge qatysy joq. Kúdikti anyqtalyp, ýaqytsha ustaý ızolátoryna qamaldy. Buǵan deıin qylmystyq is zańdylyǵyn tekserip, sotqa jiberý úshin prokýratýraǵa joldanǵan. Polısıa departamenti jalǵan aqparat taratqany úshin qoldanystaǵy zańnamaǵa sáıkes jaýapkershilikke tartylatynyn eskertedi", - dedi Astana qalalyq İİD baspasóz qyzmeti ókilderi.
Vıdeodaǵy oqıǵa 12 aqpanda bolǵan. Krımınaldyq polısıa qyzmetkerleri sol kezde elorda aýlalarynyń birinde qyzǵa shabýyl jasaǵan Shyǵys Qazaqstan oblysynyń 35 jastaǵy turǵynyn ustady.
Aıta keteıik, buǵan deıin mádenıet jáne aqparat mınıstri Aıda Balaeva atyshýly Qýandyq Bıshimbaevtyń isine qatysty pikir bildirdi.
"Bizdiń elde senzýraǵa tyıym salynady, al medıa oıynshylar kóbine "tyıym salynbaǵannyń bárine ruqsat etiledi" qaǵıdaty boıynsha jumys isteıdi. Biz jaqynda jýrnalısik etıkaǵa arnalǵan dóńgelek ústel ótkizdik jáne sol jerde jýrnalısiń etıkasy óz-ózin qadaǵalaý sheginde bolýy kerek degen qorytyndyǵa keldik.
Búginde kórip otyrǵanymyzdaı, ózin-ózi qadaǵalaý degen nárse kóbine jumys istemeıdi, ásirese, oıynshylardy "qyzyqtyrýǵa" bolatyn kezde.
Biz mehanızmderdi túsinemiz jáne Bıshimbaev isinde búgin bolyp jatqan medıa naýqannyń qalpyn kórip otyrmyz. Ókinishke qaraı, teris múddeni basshylyqqa ala otyryp, barlyq qabyldanǵan jalpyadamzattyq normalar men qaǵıdalarǵa qaıshy, ótirik ári qoǵamdyq sanany manıpýlásıalaýmen aınalysatyn adamdar qoǵamnan shettetiledi. Óıtkeni qoǵam aqymaq emes.
Men árqashan kásibı jýrnalıser qaýymdastyǵyn baǵalaý kerek dep aıtatynmyn. Olar - oıly, aqyldy jáne kúshti adamdar", - dedi mınıstr Tengrinews.kz-ke bergen suhbatynda.
Eske salaıyq, byltyr Qýandyq Bıshimbaev áıeli Saltanat Núkenovany óltirdi degen kúdikpen qamaýǵa alynǵan edi. Oqıǵa 2023 jyly 9 qarashada Astana qalasyndaǵy BAU meıramhanasynda boldy.
