Bul neni bildiredi? Kredıtter qymbattaıdy, ınvestısıalar qysqarady, óndiris qysqarady, jumys oryndary azaıady.
Bul kimge paıdaly? Birinshi kezekte bankterge. Kredıtter qymbattaıdy. Endi Ulttyq banktiń overnaıt jáne basqa quraldary qymbattaı túsedi de kvazımemlekettik aqshany tegin paıdalaný odan saıyn tegin bola túsedi. Túnde kvazımemlekettik sektor depozıtterin Ulttyq bankke saldyń da, tańerteń 8 emes, 9,5 paıyzben alyp shyǵasyń. Eshqandaı táýekel joq, jalpy eshteńe istep keregi joq. Eger osyndaı tegin tabys taýyp tursań, klıent izdep, olardy kóbeıtip qajeti ne?!
Bılik ınflásıany bos aqshany azaıtýmen quryqtaımyz dep oılaıdy. Biraq ınflásıa tek bos aqshanyń kóptiginen týyndamaıdy, ol birinshi kezekte ekonomıkada daıyn taýarlar men qyzmetterdiń bolmaýynan paıda bolady.
Al, óndiristi ulǵaıtý úshin ne isteý kerek? Birinshi kezekte táýelsiz ári kúshti sot júıesi kerek, sonda ǵana ınvestorlar ınvestısıa quıady, óndiris kólemi artyp, jumys oryndary kóbeıedi. Bizge "qyzyl" memleket, Zańnyń ústemdigi kerek!
Biraq bıleýshi tap Zańmen júrgisi kelmeıdi, olar "túsinikpen" ómir súrýdi qalaıdy. Zań ol qarapaıym adamdarǵa, al olarǵa – túsinik júredi. Men seni tanımyn, sen meni tanısyń degen sıaqty.
Sondyqtan da bizde iri saýda-sattyqtar zańdyq úrdisterdi aınalyp ótip, túsinikter boıynsha júredi. Al, zańdy saqtaǵysy kelmeıtinderdi kim deımiz? Olar – bandıtter.
Zań saqtalmaı jasalatyn bandıtterdiń kelisimi. Biz osylaı zańdy saqtamaı júre bersek, sottar táýelsiz bolmasa, bizde joǵary ınflásıa qala beredi. Kedeıler kedeılene beredi, al baılar baıı beredi. Quqyqtyq memleket pen halyqtyń ál-aýqaty bir birine tikeleı baılanysty, delingen eken jazbada.
