بۇل نەنى بىلدىرەدى؟ كرەديتتەر قىمباتتايدى، ينۆەستيسيالار قىسقارادى، ءوندىرىس قىسقارادى، جۇمىس ورىندارى ازايادى.
بۇل كىمگە پايدالى؟ ءبىرىنشى كەزەكتە بانكتەرگە. كرەديتتەر قىمباتتايدى. ەندى ۇلتتىق بانكتىڭ وۆەرنايت جانە باسقا قۇرالدارى قىمباتتاي تۇسەدى دە كۆازيمەملەكەتتىك اقشانى تەگىن پايدالانۋ ودان سايىن تەگىن بولا تۇسەدى. تۇندە كۆازيمەملەكەتتىك سەكتور دەپوزيتتەرىن ۇلتتىق بانككە سالدىڭ دا، تاڭەرتەڭ 8 ەمەس، 9،5 پايىزبەن الىپ شىعاسىڭ. ەشقانداي تاۋەكەل جوق، جالپى ەشتەڭە ىستەپ كەرەگى جوق. ەگەر وسىنداي تەگىن تابىس تاۋىپ تۇرساڭ، كليەنت ىزدەپ، ولاردى كوبەيتىپ قاجەتى نە؟!
بيلىك ينفلياسيانى بوس اقشانى ازايتۋمەن قۇرىقتايمىز دەپ ويلايدى. ءبىراق ينفلياسيا تەك بوس اقشانىڭ كوپتىگىنەن تۋىندامايدى، ول ءبىرىنشى كەزەكتە ەكونوميكادا دايىن تاۋارلار مەن قىزمەتتەردىڭ بولماۋىنان پايدا بولادى.
ال، ءوندىرىستى ۇلعايتۋ ءۇشىن نە ىستەۋ كەرەك؟ ءبىرىنشى كەزەكتە تاۋەلسىز ءارى كۇشتى سوت جۇيەسى كەرەك، سوندا عانا ينۆەستورلار ينۆەستيسيا قۇيادى، ءوندىرىس كولەمى ارتىپ، جۇمىس ورىندارى كوبەيەدى. بىزگە "قىزىل" مەملەكەت، زاڭنىڭ ۇستەمدىگى كەرەك!
ءبىراق بيلەۋشى تاپ زاڭمەن جۇرگىسى كەلمەيدى، ولار "تۇسىنىكپەن" ءومىر ءسۇرۋدى قالايدى. زاڭ ول قاراپايىم ادامدارعا، ال ولارعا – تۇسىنىك جۇرەدى. مەن سەنى تانيمىن، سەن مەنى تانيسىڭ دەگەن سياقتى.
سوندىقتان دا بىزدە ءىرى ساۋدا-ساتتىقتار زاڭدىق ۇردىستەردى اينالىپ ءوتىپ، تۇسىنىكتەر بويىنشا جۇرەدى. ال، زاڭدى ساقتاعىسى كەلمەيتىندەردى كىم دەيمىز؟ ولار – بانديتتەر.
زاڭ ساقتالماي جاسالاتىن بانديتتەردىڭ كەلىسىمى. ءبىز وسىلاي زاڭدى ساقتاماي جۇرە بەرسەك، سوتتار تاۋەلسىز بولماسا، بىزدە جوعارى ينفلياسيا قالا بەرەدى. كەدەيلەر كەدەيلەنە بەرەدى، ال بايلار بايي بەرەدى. قۇقىقتىق مەملەكەت پەن حالىقتىڭ ءال-اۋقاتى ءبىر بىرىنە تىكەلەي بايلانىستى، دەلىنگەن ەكەن جازبادا.
