Memleket basshysy «Qazaqstan tsifrlandyrý salasynda qol jetkizgen jetistikterin eselei túsýge tiis» ekendigin aitqan bolatyn. Osyǵan orai Túrkistan oblysynda tsifrlandyrý salasyn damytyp, internet jelileriniń qoljetimdiligin arttyrý maqsatynda qarqyndy jumystar atqarylýda, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblystyq tsifrlandyrý, memlekettik qyzmetter kórsetý jáne arhivter basqarmasynyń basshysy Marat Ainabekov Báidibek aýdanyna is-saparmen baryp, bazalyq stantsiialardyń jai-kúiimen tanysty.
Basqarma basshysy aldymen Myńbulaq, Bestoǵai eldi mekenderine baryp «Bilain», «Ksell, Aktiv» operatorynyń bazalaryn kórdi. Bul jerdegi internet bazalary eldi mekendi tolyq qamti almaidy.
Sol sebepti «Bilain» operatoryna qosymsha bazalyq stantsiia salý jáne «Ksell, Aktiv» operatoryna bailanys standartyn kúsheitý tapsyryldy.
Is-sapar aýdan ortalyǵy Shaian aýylyna jalǵasyp, tiisti sala ókilderimen internet jelilerin damytý máselesi talqylandy. «Bilain» operatory tarapynan qosymsha stantsiia munarasy salynbaq. «Ksell, Aktiv» operatory qosymsha antenna ornatqan. Búginde bailanys internetin qosý jumystary júrgizilýde.
Sonymen qatar, Aǵybet, Alǵabas, Boraldai, Ekpindi eldi mekenderinde «Bilain», «Aktiv, Ksell» operatorlarynyń 4G standartyndaǵy bailanys pen interneti qosyldy. Al Alǵabas, Jambyl, Kókterek, Bógen eldi mekenderine qosymsha internet stantsiiasy salynbaq. Boraldai, Aqbastaý, Almaly, Aǵybet aýyldyq okrýgterge talshyqty-optikalyq internet jelisin tartý josparlanýda.
Aita keteiik, Keńestóbe, Aqbastaý, O.Taimanov eldi mekenderinde «Aktiv, Ksell» bazalyq stantsiiasyna tehnikalyq jóndeý jumystary júrgizilýde. Qyrkúiek aiynyń sońyna deiin aiaqtalady dep josparlanyp otyr.
