Biyl Túrkistan qalasy mańaiyndaǵy 900 gektar jerge sý shaǵaryldy
Sý qoimasy, birinshiden, sý tasqynynyń aldyn alýǵa, ekinshiden, sýarmaly jerlerdiń kólemin arttyrýǵa septigin tigizbek. Jergilikti bilik oryndary Túrkistan qalasy mańynda shaǵyn 8 sý qoimasyn salýdy josparlap otyr. Qala ákimdiginen talap etiletin tiisti qujattarynyń barlyǵyn daiyndalyp, Túrkistan oblysy qurylys basqarmasyna ótkizilgen.
Ótken jyly jeltoqsan aiynda oblys ákimi Janseiit Túimebaevtyń qatysýymen Úshqaiyq aýyldyq okrýginde «Qarashyq» shaǵyn sý qoimasy paidalanýǵa berilgen bolatyn. Osy gidrotehnikalyq nysannyń arqasynda biyl sharýalar qosymsha 350-400 gektar alqapty igerip, sý qoimasynyń igiligin kórdi.
Jalpy, Syrdariia ózeniniń boiynda igerilmei jatqan jerler jetkilikti, ázirshe jergilikti bilik orandary 4 myń gektar jerdi kádege jaratýdy kózdep otyr. Atalǵan aýmaqta 2 aýyldyq okrýgimiz ornalasqan, biyl bireýi – 300 gektar, ekinshisi 110 gektar alqapty sýarmaly jerdi ainalymǵa qosty. Iaǵni, biyldyń ózinde 800-900 gektar jerdi egistik jerge ainaldyrý múmkindigi týdy.
Dalanews.kz
