Biyl Túrkistan oblysynan Soltústik óńirlerge 400-ge jýyq otbasy qonys aýdarǵan
Túrkistan oblysynan Soltústik óńirlerge 2015-2020 jyldar aralyǵynda barlyǵy 6 033 múshesi bar 1 709 otbasy qonys aýdardy. Búgingi tańǵa deiin qonys aýdarǵandardyń basym bóligi turǵyn úimen jáne jumyspen qamtylǵan. Bul týraly brifingte Túrkistan oblysy jumyspen qamtýdy úilestirý jáne áleýmettik baǵdarlamalar basqarmasynyń basshysy Ásiia Temirbaeva málimdedi, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Soltsútik oblystarǵa kóship baryp óz kásibin ashamyn deýshilerge egin, mal sharýashylyǵymen shuǵyldanýǵa jer telimderi usynylǵan. Sondai-aq, 2021 jyldyń qańtar-qarasha aralyǵynda Soltústik óńirlerge oblystan 1 745 múshesi bar 385 otbasy qonys aýdardy.
Aita keterligi, oblysta «Eńbek» memlekettik baǵdarlamasymen qazirgi tańda naqty 85 942 adam jumyspen qamtý sharalaryna qatysqan.
– 2021 jyldyń 1 qarashasy boiynsha 1 872 jańa jumys orny qurylyp, 1 377 adamǵa mindetti zeinetaqy jarnasy aýdarylǵan. Halyqty jumyspen qamtý ortalyǵy arqyly 886 adam joldandy. «Alǵashqy jumys orny» jobasyn iske asyrý maqsatynda qazirgi tańda naqty 225 adam joldama alǵan. Sonymen qatar, «Eńbek» memlekettik baǵdarlamasy sheńberinde múgedektigi bar azamattardy jumyspen qamtý maqsatynda 2 501 adamǵa jumyspen qamtý sharalary kórsetildi, – dedi Ásiia Quralqyzy.
Budan ózge, 2021 jylǵy 1 qarashadaǵy jaǵdai boiynsha oblysta 41,5 myń otbasyǵa 11,2 mlrd teńge kóleminde ataýly áleýmettik kómek taǵaiyndaldy. Olardyń ishinde eńbekke jaramdy 64 656 adamnyń 47 myńy jumyspen qamtyldy.
