سولتسۇتىك وبلىستارعا كوشىپ بارىپ ءوز كاسىبىن اشامىن دەۋشىلەرگە ەگىن، مال شارۋاشىلىعىمەن شۇعىلدانۋعا جەر تەلىمدەرى ۇسىنىلعان. سونداي-اق، 2021 جىلدىڭ قاڭتار-قاراشا ارالىعىندا سولتۇستىك وڭىرلەرگە وبلىستان 1 745 مۇشەسى بار 385 وتباسى قونىس اۋداردى.
ايتا كەتەرلىگى، وبلىستا «ەڭبەك» مەملەكەتتىك باعدارلاماسىمەن قازىرگى تاڭدا ناقتى 85 942 ادام جۇمىسپەن قامتۋ شارالارىنا قاتىسقان.
– 2021 جىلدىڭ 1 قاراشاسى بويىنشا 1 872 جاڭا جۇمىس ورنى قۇرىلىپ، 1 377 ادامعا مىندەتتى زەينەتاقى جارناسى اۋدارىلعان. حالىقتى جۇمىسپەن قامتۋ ورتالىعى ارقىلى 886 ادام جولداندى. «العاشقى جۇمىس ورنى» جوباسىن ىسكە اسىرۋ ماقساتىندا قازىرگى تاڭدا ناقتى 225 ادام جولداما العان. سونىمەن قاتار، «ەڭبەك» مەملەكەتتىك باعدارلاماسى شەڭبەرىندە مۇگەدەكتىگى بار ازاماتتاردى جۇمىسپەن قامتۋ ماقساتىندا 2 501 ادامعا جۇمىسپەن قامتۋ شارالارى كورسەتىلدى، – دەدى ءاسيا قۇرال قىزى.
بۇدان وزگە، 2021 جىلعى 1 قاراشاداعى جاعداي بويىنشا وبلىستا 41،5 مىڭ وتباسىعا 11،2 ملرد تەڭگە كولەمىندە اتاۋلى الەۋمەتتىك كومەك تاعايىندالدى. ولاردىڭ ىشىندە ەڭبەككە جارامدى 64 656 ادامنىڭ 47 مىڭى جۇمىسپەن قامتىلدى.
