«ShQO aýyl sharýashylyǵy maqsatyndaǵy paidalanylmaityn jerlerdi qaitarý» taqyrybynda ótken baspasóz máslihatynda Shyǵys Qazaqstan oblysy jer qatynastary basqarmasy basshysy Nadejda Miheilis biyl aýyl sharýashylyǵy maqsatynda paidalanylmaityn jatqan 160 myń gektar jerdi memleket menshigine qaitarý josparlanǵany týraly habarlady, dep habarlaidy Dalanews.kz Bizdin oskemen-ge silteme jasap.
– 2022 jyly 100 myń gektardan astam paidalanylmai jatqan jer qaitaryldy. 2023 jyly Shyǵys Qazaqstanda paidalanylmai jatqan 125 myń gektardan astam jerdi memleket menshigine qaitardyq. Biyl 160 myń gektar jerdi qaitarý josparlandy, búginde onyń ázirge 58,3 myń gektaryn ǵana memleket menshigine qaitara aldyq. Qaitarymnyń eń kóp kólemi Kúrshim (14,8 myń gektar), Altai (3,9 myń gektar) aýdandarynda jáne Óskemende (408,4 gektar) tirkeldi. Eń tómen kórsetkish 1000 gektarǵa jýyq jerdi ǵana qaitarǵan Ulan aýdanynda ǵana tirkeldi, - dedi Shyǵys Qazaqstan oblysy jer qatynastary basqarmasy basshysy Nadejda Miheilis.
ShQO Jer resýrstaryn basqarý departamentiniń basshysy Seisenǵazy Chýkaevtyń aitýynsha, ár adamnyń jekemenshiginde jalǵa alǵan jerler bolsa ol mindetti túrde ony paidalanýǵa tiisti. Eger jaiylymda jer bolatyn bolsa onda mindetti túrde mal basy tirkelýi tiis. Shaǵymdyq jerlerdiń shópteri mindetti túrde shabylýy kerek. Egistik jerlerdegi jerler bolatyn bolsa mindetti túrde egin egilýi kerek.
– Bizdiń negizgi quziretimiz búginde jerdi maqsatyna sai paidalaný, ony qorǵaý máseleleri boiynsha tekserý jumystaryn júrgizý. Biz endi jerdi tek ǵana Jer kodeksiniń 92, 94 babtaryna sáikes, májbúrlep alyp qoiý máselesi boiynsha jumystar júrgizemiz. Shyǵys Qazaqstan oblysynyń Jer resýrstaryn basqarý departamenti jyl basynan beri shamamen 240 jýyq tekserý júrgizdi. Onyń aýyl sharýashylyǵy maqsatyndaǵy jerlerdi paidalaný máselesi boiynsha 149 tekserý, jalpy alǵanda 208,6 myń gektar jerde tekserý júrgizilgen bolatyn. 98 tekserý nátijesi boiynsha 116,2 myń gektar aralyǵynda zań buzýshylyqtar anyqtaldy. Jyl basynan beri júrgizilgen jumystardyń nátijesinde ótken jylda berilgen nusqamalar boiynsha jer paidalanýshylar 40,1 myń gektar alańda aýyl sharýashylyǵy maqsatyndaǵy jerlerdi paidalanýǵa kiristi, - deidi Seisenǵazy Chýkaev.
