Biyl Sairamda 900-ge jýyq jańa jumys orny ashylady
– Qazirgi tańda kásipkerlik sýbektileri esebinen 530 jańa jumys oryndary ashyldy. Biylǵy jyly 6 investjobany júzege asyrý arqyly 215 jumys ornyn, sondai-aq aýyldy jerlerde otbasylyq kásipkerlikti damytý arqyly 214 jumys ornyn qurý josparlanýda, – dedi Ulasbek Sádibekuly.
Ótken jyly aýdan kóleminde «Eńbek» memlekettik baǵdarlamasyna jalpy 10 491 adam qatysyp, 6 973 adam turaqty jáne ýaqytsha jumyspen qamtylǵan.
Sonymen qatar, 2021 jyly az qamtylǵan 4 336 otbasyna 926,2 mln teńgege ataýly áleýmettik kómek berilip, 3 606 balaǵa 189,2 mln teńge kepildendirilgen áleýmettik paket usynyldy. Aýdan kóleminde kedeishilik deńgeii sońǵy úsh jyldyń nátijesinde 2019 jylǵy 34,8%-dan 2021 jyly 10,3%-ǵa tómendegen. 2022 jylǵa turmys jaǵdaiy tómen dep tanylǵan 77 otbasyna kómek kórsetip, onyń ishinde 3 otbasyn turǵyn úimen qamtý kózdelýde.
