Biyl Kentaýdyń kósheleri tolyq jaryqtandyrylady
Kommýnaldyq qyzmettiń negizgi mindeti – baǵandar men eskirgen jaryqtandyrý qondyrǵylaryn qalpyna keltirý jáne aýystyrý. Mundai jumystar biyl «Bolashaq», «Shuǵyla», «Juldyz», 68, 69, 74 móltek aýdandaryna da júrgizilmek.
Kentaý qalasynyń kóshelerin jaryqtandyrý jáne qaita jańǵyrtý maqsatynda 2021 jyly 10 mln tenge qarjy qaralyp, 136 dana jaryqsham ornatylǵan. 2022 jyly 137 mln tenge qarjy qarastyrylyp, 1134 dana jaryqsham ornatý josparlanýda. Nátijesinde Kentaý qalasy 100 paiyz jaryqshamdarymen qamtylatyn bolady.
Aita keteiik, Kentaý qalasynyń ákimi Daýren Mahajanovtyń tapsyrmasyna sáikes qaladaǵy 368 kópqabatty turǵyn úidiń aýlasy jaryqtandyrylǵan. Nátijesinde qalada usaq-túiek qylmystardyń sany azaiǵan.
