Sonymen qatar, aǵymdaǵy jyly 200 tósektik «Topqaiyń», «Katonqaraǵai rezort», «Primorsk» dep atalatyn jańa demalys bazalary ashylǵan bolatyn. Aldaǵy ýaqytta Órel aýylynda demalys bazasynyń qurylysyn aiaqtaý josparlanýda. Sonymen qatar aýdanda 4 jańa shaǵyn qonaq úidiń qurylysy («Qaratai», «Jaqsylyqov Sh», «Tengri haýs», «Ásel») aiaqtalǵan.
Aýdandaǵy týrizmdi damytýda 2001 jyly qurylǵan, elimiz eń iri 400-den astam adam jumys isteitin Katonqaraǵai ulttyq tabiǵi parkiniń alatyn oryny erekshe. Flora men faýnanyń alýan túrliligi shoǵyrlanǵan saiabaq tabiǵi jáne mádeni eskertkishterge bai. Búginde 14 týristik marshrýt pen soqpaq jumys isteidi.
Oblys ákimi Danial Ahmetovtyń qoldaýymen Berel aýylynda aýyl týrizmin damytý boiynsha jobalar júzege asyrylýda. Aýyz sý máselesi tolyqtai sheshilgen. Oblys ákimniń bastamasymen burynǵy aýdan ortalyǵy Katonqaraǵai aýylyn damytý maqsatynda «Atameken» kásipkerler palatasynyń qoldaýymen 10 shaǵyn qonaq úi ashýǵa biznes josparlar ázirlendi. Qolǵa alynǵan nátijesinde aǵymdaǵy jyly aýdanǵa 25 myńnan astam týrist kelgenin atap aitýǵa bolady.
