Biyl Jetisý oblysynda 152 shaqyrym jol men 53 eldi mekenniń ishki joldaryna jóndeý jumystaryn júrgizý josparlanyp otyr. Sonyń ishinde 5 kópirdi qaita jańǵyrtý, 1 kópirdi ortasha jóndeý, Burqanbulaq sarqyramasyna aparatyn 15 km joldyń rekonstrýktsiiasy, «Almaty – Óskemen – Lepsi – Aqtoǵai» jolynyń 35-110 km ýchaskesiniń jańǵyrtý jumystary, eldi mekenderge kiretin joldar, ishki joldar t.b. jobalar bar, - dep habarlaidy Dalanews.kz Jetisý oblysy ákiminiń baspasóz qyzmetine siltep.
Oblystyq jolaýshy kóligi jáne avtomobil joldary basqarmasynyń málimetine qaraǵanda, Jetisý oblysy qurylǵannan beri 2023-2024 jyldary oblystyq mańyzy bar 391,4 km jol jáne 134 eldi mekenniń ishki kósheleri jóndelgen. Máselen, 2024 jyly respýblikalyq jáne oblystyq mańyzy bar avtomobil joldary qaita jańartylyp, «Taldyqorǵan-Úsharal» (313 km), «Lepsi-Balqash kóli» (27 km), «Saryózek-Kóktal» (45-68 km, Altynemel asýy), «Jarkent-Qorǵas» (328-360 km), «Úshtóbe-Kópbirlik» (78 km) baǵytyndaǵy iri jobalar paidalanýǵa berildi. Sóitip jaqsy jáne qanaǵattanarlyq jaǵdaidaǵy obylystyq mańyzy bar avtojoldardyń úlesi 94%-ǵa jetkizildi.
Al biyl óńirde 152 shaqyrym jolǵa, 53 eldi mekenniń ishki joldaryna jóndeý jasalady dep mejelengen. Kúrdeli jóndeý sheńberinde «Saryózek – Kóktal» avtojolyndaǵy Kónbe ózeninen ótetin jańa kópir salý, «Saryózek stantsiiasyn ainalyp ótý» avtojolynyń jol qurylymyn kúsheitý jáne uzyndyǵy 21 km (Muqyry asýy ýchaskesi) «Qonaev – Taldyqorǵan» avtojolynyń jol jabynyn qaita jańartý josparda bar. Sonymen qatar osy jyly «Almaty oblysynyń shekarasy - Saryózek kenti» (13 km), «Saryózek – Kóktal» (112 km) jáne «Aidarly-Kóktal» (15 km) baǵytyndaǵy joldar jelisine ortasha jóndeý jumystary ótken jyldan ótpeli joba retinde jalǵasady.
«Joldardyń normativtik jai-kúiin saqtaý maqsatynda avtomattandyrylǵan ólsheý stantsiialary ornatylýda. Oblys boiynsha osyndai 8 stantsiia qoiyldy. Olardyń 6-y respýblikalyq trassalarda, 2-eýi oblystyq mańyzdaǵy joldarda ornalastyrylǵan. Mundai stantsiialar júk kólikteriniń salmaǵyn avtomatty túrde ólshep, belgilengen shekten asyp ketpeýin qadaǵalaidy», - delingen basqarmanyń habarlamasynda.
Atap ótsek, ótken jyly óńirde avtomobil joldarynda 24,0 mln. jolaýshy tasymaldanyp, bul kórsetkish 2023 jylmen salystyrǵanda 8% jýyq ósken. Joldardyń sapasy jaqsarýyna qarai biyl da bul kórsetkish arta túsedi dep josparlanyp otyr.
«QazAvtojol» UK» AQ aqparatyna súiensek, joldardyń kútimi boiynsha óńirdegi respýblikalyq mańyzy bar qoldanystaǵy 873 shaqyrym jolǵa qysqy kútim jasaldy. Bul jumystarǵa 72 birlik menshikti jáne 10 birlik jalgerlik tehnika tartyldy. Biylǵy qysqy kezeńde kóktaiǵaqqa qarsy materialdyń qajetti qory daiyndaldy. Oǵan qosa aita ketsek, 2023 jyldan tehnika parkin tolyqtyrý jumystary bastaldy, iaǵni búgingi kúni mundaǵy tehnika sany 59-den 72-ge ulǵaidy.
Jalpy oblystyń avtomobil joldarynyń jalpy uzyndyǵy 3 988 km quraidy. Sonyń ishinde respýblikalyq mańyzy bar – 1 034 km, jergilikti mańyzy bar - 2 954 km.
