Biyl Jetisý oblysynda 2,2 mln tonna jem-shóp daiyndaý josparlanyp otyr, onyń ishinde 1,2 mln. tonna shóp, 341 myń tonna saban, 117 myń tonna pishendeme, 203 myń tonna súrlem, 307 myń tonna jemdik astyq daiyndalady,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Osy jyly mal azyǵy daqyldarynyń egis kólemi oblysta 92,5 myń gektardy qurap otyr. Búgingi kúnniń derekterine sáikes óńirde 994 myń tonna mal azyǵy jinaldy, sonyń ishinde 82,8 myń ga kóp jyldyq shóptiń birinshi shabyndyǵy tolyǵymen shabylyp, ekinshi shabyndyq jumystary júrgizilýde. Bir jyldyq shóptiń 7 myń ga, tabiǵi shabyndyqtyń 107 myń gektary shabyldy. Odan basqa, 76 myń tonna saban, 15 myń tonna jem jinaldy. Jalpy 786 myń tonna shóp daiyndaldy. Sol siiaqty 117 myń tonna pishendeme basyldy.
- Jetisý oblysynda qoldaǵy barlyq mal basyn qystatý kezeńine 2 mln 890 myń tonna mal azyǵyn jinalady dep eseptelgen. Bul qajetti jem-shóptiń 1,5 jyldyq qory. Onyń 653,4 myń tonnasy ótken jyldan qalǵan. Mal azyǵyn daiyndaý jumystary aýdandarda qyzý jalǵasyp jatyr», - deidi oblystyq aýyl sharýashylyǵy basqarmasynyń basshysy N. Kenenbaev.
