Biyl Jetisaida úsh mektep paidalanýǵa berildi
Olar – Qyzylqum aýyl okrýgi Aqtóbe aýylyndaǵy 300 oryndyq mektep, jalpy quny 819 mln 539 myń teńge), ekinshisi Jańa aýyl aýyldyq okrýgi Yntymaq aýylyndaǵy jalpy quny 1 mlrd 078 mln. teńgelik 600 oryndyq Turar Rysqulov atyndaǵy mektebi. Úshinshisi Jylysý aýyldyq okrýgi Ál-Farabi aýylyndaǵy jalpy quny 612 mln 725 myń teńgeni quraityn 200 oryndyq mektep.
Sondai-aq, biyl Jetisai qalasy Dairashev kóshesinde 1200 oryndyq mekteptiń qurylysy júrgizilýde. Bul nysannyń konkýrstyq quny 1 mlrd 836 mln teńgeni quraidy.
Sonymen qatar, Atameken aýyldyq okrýgi Jeńistiń 40 jyldyǵy aýylynda jalpy quny 961 mln teńgeni quraityn 300 oryndyq mekteptiń qurylysy jalǵasýda.
Al Abai aýyl okrýgi Otan aýylynda jalpy quny 978 mln teńgeni quraityn 300 oryndyq Titov atyndaǵy mekteptiń qurylysy jalǵasýda.
Yntymaq aýyldyq okrýgi Nur aýylynda jalpy quny 1 mlrd 7 mln teńgelik 300 oryndyq mekteptiń qurylysy júrgizilýde.
Jylysý aýyldyq okrýgi Baqqonys aýylynda 300 oryndyq Jangeldin atyndaǵy mekteptiń qurylysy júrip jatyr. Bul mektep qurylysyna 1 mlr 101 mln teńge baǵyttalyp otyr.
J. Eraliev aýyl okrýgi Arai aýylyndaǵy jalpy quny 1 mlrd 31 mln teńgelik «Dáýir» mektebiniń qurylysy jalǵasýda.
10-shy nysan – Sh. Dildabekov aýyl okrýgi Jańadala aýylyndaǵy 300 oryndyq mekteptiń qurylysy bastaý aldy. Bul nysannyń quny – 1 mlr 2 mln teńge.
