Stýdenttik qurylys jáne «Jasyl el» jasaǵy 2005 jyly QR Tuńǵysh Prezıdenti N.Nazarbaevtyń tapsyrmasyna sáıkes qurylǵan bolatyn. Bıyl da el astanasynda respýblıkalyq jastardyń eńbek jasaǵy qurylyp, onyń bólimsheleri barlyq óńirlerde ashyldy.
Qoǵamdyq damý isteri basqarmasynyń jastarmen jumys isteý bóliminiń basshysy Baqytjan Júnisbekovtyń aıtýynsha, bıyl «Jasyl el» shtaby jaz maýsymynda elordanyń 1000-nan astam jas turǵynyn jumyspen qamtydy.
«Jasyl el» quramynda eńbek etkisi keletin jastardyń sany jyl saıyn artyp keledi. Bıyl shtab jospardy mejelengen shamadan artyq oryndap, myńnan astam astanalyq jasty jazǵy ýaqytta jumyspen qamtamasyz etti.
Olardyń úsh júzge jýyǵy kópbalaly jáne áleýmettik turǵydan az qamtylǵan otbasylarynyń balalary.
Buǵan qosa ıývenaldik polısıada esepke alynǵan jastar da eńbekke tartyldy. Qaladaǵy onnan astam uıym olarǵa jumys ornyn usyndy. Olardyń arasynda «Bazıs-A», «Astana-Zelenstroı» AQ, «Astana ormany» JSHS sıaqty qurylys kompanıalary men bilim berý uıymdary bar eken. «Jasyl el» jasaǵy maýsymynyń jabylý rásimine qoǵam qaıratkerleri men estrada juldyzdary qatysty.
