ستۋدەنتتىك قۇرىلىس جانە «جاسىل ەل» جاساعى 2005 جىلى ق ر تۇڭعىش پرەزيدەنتى ن.نازاربايەۆتىڭ تاپسىرماسىنا سايكەس قۇرىلعان بولاتىن. بيىل دا ەل استاناسىندا رەسپۋبليكالىق جاستاردىڭ ەڭبەك جاساعى قۇرىلىپ، ونىڭ بولىمشەلەرى بارلىق وڭىرلەردە اشىلدى.
قوعامدىق دامۋ ىستەرى باسقارماسىنىڭ جاستارمەن جۇمىس ىستەۋ ءبولىمىنىڭ باسشىسى باقىتجان جۇنىسبەكوۆتىڭ ايتۋىنشا، بيىل «جاسىل ەل» شتابى جاز ماۋسىمىندا ەلوردانىڭ 1000-نان استام جاس تۇرعىنىن جۇمىسپەن قامتىدى.
«جاسىل ەل» قۇرامىندا ەڭبەك ەتكىسى كەلەتىن جاستاردىڭ سانى جىل سايىن ارتىپ كەلەدى. بيىل شتاب جوسپاردى مەجەلەنگەن شامادان ارتىق ورىنداپ، مىڭنان استام استانالىق جاستى جازعى ۋاقىتتا جۇمىسپەن قامتاماسىز ەتتى.
ولاردىڭ ءۇش جۇزگە جۋىعى كوپبالالى جانە الەۋمەتتىك تۇرعىدان از قامتىلعان وتباسىلارىنىڭ بالالارى.
بۇعان قوسا يۋۆەنالدىك پوليسيادا ەسەپكە الىنعان جاستار دا ەڭبەككە تارتىلدى. قالاداعى وننان استام ۇيىم ولارعا جۇمىس ورنىن ۇسىندى. ولاردىڭ اراسىندا «بازيس-ا»، «استانا-زەلەنستروي» اق، «استانا ورمانى» ج ش س سياقتى قۇرىلىس كومپانيالارى مەن ءبىلىم بەرۋ ۇيىمدارى بار ەكەن. «جاسىل ەل» جاساعى ماۋسىمىنىڭ جابىلۋ راسىمىنە قوعام قايراتكەرلەرى مەن ەسترادا جۇلدىزدارى قاتىستى.
