Naýryzbaı aýdany turǵyndarymen kezdesýde Almaty ákimi Erbolat Dosaev qalanyń áleýmettik ınfraqurylymyn jaqsartý boıynsha basym mindetterdiń birin sátti sheshý týraly aıtty,- dep habarlaıdy Dalanews.kz

«Búgingi tańda 3572 oryndy quraıtyn oqýshy oryndarynyń tapshylyǵyn odan ári tómendetý úshin aýdan halqynyń ósýin eskere otyryp, jańa bilim berý nysandaryn qaıta qurý jáne salý boıynsha júıeli jumys júzege asyrylýda», - dedi qala ákimi.

Onyń aıtýynsha,aǵymdaǵy jyldyń sońyna deıin «Jaıly mektep» ulttyq jobasy aıasynda Quramys sh/a - da 1500 oryndy 4 jańa mektep ashylady. «Nurly Dala» TK 1500 oryndyq, Shuǵyla sh/a. Shuǵyla Sabdenov kóshesi boıynsha 2500 oryndyq, Elimaı TK aýdanynda 1200 oryndyq mektepter ashylady.

Sondaı-aq, aǵymdaǵy jyldyń birinshi qyrkúıegine qaraı «Álem- Sıtı» janyndaǵy Shuǵyla shaǵyn aýdanda 1200 oryndyq mektep ashylady. Ol jeke ınvestordan jergilikti búdjet esebinen satyp alynady.

Sonymen qatar, 2025 jyldyń tamyz aıynda 375 oryndyq №174 mekteptiń jańa korpýsynyń qurylysy aıaqtalady.

Osylaısha, tez ósip kele jatqan Naýryzbaı aýdanynda 8300 oqýshy orny qurylady, bul qolda bar mektepterdiń júgin azaıtyp, keıbireýlerin bir aýysymdyq oqý rejımine aýystyrýǵa múmkindik beredi.

Aýdanda balalardy mektepke deıingi bilimmen qamtý da ósýde. Mamyr aıynda Shuǵyla sh/a 320 oryndyq balabaqsha ashylady. Qyrkúıek aıynda Quramys jáne Shuǵyla shaǵyn aýdandarynda árqaısysy 320 oryndyq taǵy eki balabaqshanyń qurylysyn aıaqtaý josparlanýda.

Erbolat Dosaev aldyńǵy kezdesýlerde Shuǵyla sh/a-da deneshynyqtyrý-saýyqtyrý kesheniniń qurylysyn bastaý jónindegi bergen ýádesin eske saldy. Bul jumystar aǵymdaǵy jyldyń shilde aıynda bastalady, keshendi 2026 jyldyń tamyzynda paıdalanýǵa berý josparlanýda.

Qyrkúıek aıynda Aqjar sh/a-da taǵy bir DSK-niń qurylysy bastalady. Búgingi tańda JSQ ázirleý aıaqtalý kezeńinde, shilde aıynyń sońyna deıin memlekettik saraptama qorytyndysy shyǵady dep kútilýde.