Áýezov aýdanynyń turǵyndarymen kezdesý barysynda Almaty ákimi Erbolat Dosaev jol jáne kólik infraqurylymyn damytý jumystary týraly aityp berdi, dep habarlaidy Dalanews.kz
Qala basshysy 2024 jyly aýdannyń 12,2 shaqyrymdyq 16 kóshesine ortasha jóndeý júrgizilgenin, al aǵymdaǵy jyly 10 shaqyrymdyq 13 kósheni qamtý josparlanǵanyn aitty.
Sondai-aq, ótken jyly aýdanda 27 myń sharshy metr jol tósemi liýk aýystyryldy.
Biyl taǵy 26 myń sharshy metr joldy jóndeý, 16 myń sharshy metr tehnikalyq trotýardy jabdyqtaý, 34,5 shaqyrym aryq jelilerin salý jáne 200 «iilmeli» liýk ornatý josparlanýda. Aǵymdaǵy jyldyń mamyr aiynda 5 jer ústi jaiaý júrginshiler ótkeline kúrdeli jóndeý jumystary aiaqtalady.
«Qoǵamdyq kólik qyzmetteriniń sapasyn arttyrý úshin 2024 jyly jyljymaly quram 238 birlikke 1 325 avtobýstan 1 563 avtobýsqa deiin ulǵaityldy, bul 8 jańa marshrýtty uiymdastyrýǵa, 13 qoldanystaǵy marshrýtty jańartýǵa jáne kúsheitýge múmkindik berdi», - dep atap ótti Erbolat Dosaev.
Sonymen qatar, kezdesý barysynda Almaty ákimi aýdan turǵyndaryn tártip pen qaýipsizdikti qamtamasyz etý boiynsha júrgizilip jatqan jumystar týraly habardar etti. Máselen, 2024 jyly «Sergek» jańa 32 apparattyq-baǵdarlamalyq kesheni jáne beine-monitoring júiesiniń 1 027 kamerasy ornatyldy.
