Qazaqstandyq grossmeister Bibisara Asaýbaeva eń kóp tabys tapqan áiel shahmatshylardyń úzdik ondyǵyna endi. Bul reitingti Forbes jariialady, dep habarlaidy Dalanews.kz.
Sarapshylardyń aitýynsha, shahmatta áiel sportshylardyń tabysy áli de erlerdiń kirisinen tómen. Soǵan qaramastan qazaqstandyq shahmatshy biylǵy tizimde joǵary nátijege qol jetkizdi.
Reitingte 21 jastaǵy Bibisara jetinshi orynǵa turaqtady. Ol bir jyl ishinde týrnirlerdiń júlde qorynan 110 myń dollardan astam tabys tapqan.
Ótken maýsymda Asaýbaeva blits shahmattan álem chempiony ataǵyn qaita qorǵap, Grand Swiss týrnirinde úshinshi oryn aldy. Sondai-aq ol fristail týryna qatysqan alǵashqy qyz atanyp, bul da onyń jyldyq tabysynyń ósýine yqpal etti.
Tizimniń kóshin qytailyq shahmatshy Tsziýi Ventsziýn bastap tur. Onyń tabysy shamamen 382 myń dollar. Al úzdik ondyqty úndistandyq Divia Deshmýh 87 myń dollar nátijemen qorytyndylady.
