Birikken Ulttar Uiymy Qazaqstanǵa Rim statýtyn ratifikatsiialaýdy usyndy, dep habarlaidy Dalanews.kz.
“Adam quqyqtary jónindegi keńes, Halyqaralyq quqyq qorǵaý uiymdary men arnaiy baiandamashylar Rim statýtyn ratifikatsiialaýdy usyndy”, – dep kórsetilgen BUU Bas assambleiasyna arnap Qazaqstan boiynsha daiyndalǵan Adam quqyqtary jónindegi keńestiń jumys tobynyń baiandamasynda.
Halyqaralyq qylmystyq sottyń (HQS) Rim statýty – bul halyqaralyq kelisim, ol HQS-tyń qyzmetin jáne adamzatqa qarsy qylmystar, áskeri qylmystar, genotsid pen agressiiaǵa qatysty iýrisdiktsiiasyn retteidi. Eger el Rim statýtyn ratifikatsiialasa, ol onyń normalaryn saqtaýǵa jáne HQS-pen yntymaqtasýǵa mindetti.
Eger Qazaqstan Rim statýtyn ratifikatsiialasa, onyń 59-babyna sáikes, Resei prezidenti Vladimir Pýtin Qazaqstan Respýblikasy aýmaǵyna kelgen sátte ony qamaýǵa alýǵa mindetti bolady. Bul talap 2023 jyldyń naýryz aiynda HQS-tyń Pýtinge qatysty qamaýǵa alý orderin shyǵarǵanyna bailanysty týyndady. Sodan keiin Qazaqstan ony halyqaralyq tergeý júrgizý úshin Gaagadaǵy Halyqaralyq qylmystyq sotqa tapsyrýǵa mindetteledi. Sonymen qatar memleket basshylaryna beriletin immýnitet HQS sheshimderine taralmaidy, al Rim statýtynyń normalaryn oryndamaý, ony ratifikatsiialaǵan el úshin halyqaralyq sanktsiialarǵa alyp kelýi múmkin.
Buǵan deiin KazTAG agenttigi BUU Adam quqyqtary jónindegi keńesiniń jumys toby daiyndaǵan BUU Bas assambleiasyna arnalǵan baiandamada Qazaqstanda adam quqyqtaryn buzǵandarǵa jazasyzdyq qalyptasyp otyrǵany týraly pikirdi keltirgen edi.
Sonymen qatar bul BUU tarapynan usynylǵan jalǵyz baiandama emes. Synaý baǵytyndaǵy kóptegen pikirge qaramastan, atalǵan baiandamalarda Qazaqstanda adam quqyqtary salasyndaǵy oń ózgerister men el biliginiń birqatar usynysty oryndaǵany da atalyp ótken.
