BUU ókilderi Astanada ótken Óńirlik ekologiialyq sammittiń joǵary deńgeide uiymdastyrylǵanyn jáne Prezident Qasym-Jomart Toqaev plenarlyq otyrysta mazmundy baiandama jasaǵanyn atap ótti, dep habarlaidy Dala News.
Olardyń aitýynsha, Memleket basshysy kótergen bastamalar halyqaralyq pikirtalasqa negiz bolyp, Qazaqstan usynǵan ideialardyń ózektiligin kórsetti.
Kezdesý barysynda halyqaralyq uiym ókilderi óz qyzmetteri týraly jáne klimattyń ózgerýi, sý qaýipsizdigi, apattar qaýpin azaitý, azyq-túlik turaqtylyǵy baǵyttarynda júzege asyryp jatqan jobalar jóninde aqparat berdi.
Áńgimelesý kezinde Qazaqstannyń jahandyq bastamalaryna erekshe nazar aýdaryldy. Prezident BUU aiasynda Halyqaralyq sý uiymyn qurý ideiasyn kótergenin eske salyp, Almatyda ashylǵan Ornyqty damý maqsattary jónindegi óńirlik ortalyqtyń mańyzyn atap ótti.
Toqaev Qazaqstannyń ornyqty damý, turaqtylyq pen órkendeý baǵytynda BUU qurylymdarymen yntymaqtastyqty odan ári nyǵaita beretinin jetkizdi.
Kezdesýge Li Tsziýnhýa, Haolian Siýi, Tatiana Molchan, Kamal Kishor, Selesta Saýlo, Djim Skea jáne Viorel Gýtsý qatysty.
