Búrkitshi Aisholpannyń otbasy Mońǵoliiadan elge kóship keldi, - dep habarlaidy Dalanews.kz tilshisi Kazinform-ǵa siltep.
Onyń sózinshe, ózi - qazir stýdent, eldegi ýniversitetterdiń birinde oqyp jatyr.
"Men Qazaqstandamyn, bir aptadai buryn ata-anam men baýyrlarym kóship keldi. Ózim Almatydaǵy S.Demirel atyndaǵy ýniversitette qazaq tili men ádebieti mamandyǵy boiynsha 4-kýrsta oqyp jatyrmyn. Qazir mamandyǵym boiynsha jumys qarastyryp jatyrmyn", - dedi Aisholpan.
Sondai-aq, ónerli qyz búrkit ónerin tastamaǵanyn aitty.
"Oqý men búrkitpen ainalysýdy qatar alyp júrmin. Aptasyna bir ret ainalysamyn. Jarystarǵa qatysyp júrgen joqpyn, tek qonaq retinde baramyn. Sebebi oqýdan qol timeidi", - deidi búrkitshi qyz.
2018 jyly qarashada búrkitshi Aisholpan týraly film shyqty. 2019 jyly Mońǵoliia kompozitory jerlesimizdiń qurmetine óz týyndysyn arnaǵan edi. 2022 jyly búrkitshi Aisholpan týraly aǵylshyn tilinde kitap shyqty.
