بٷركٸتشٸ ايشولپاننىڭ وتباسى موڭعولييادان ەلگە كٶشٸپ كەلدٸ, - دەپ حابارلايدى Dalanews.kz تٸلشٸسٸ Kazinform-عا سٸلتەپ.
ونىڭ سٶزٸنشە, ٶزٸ - قازٸر ستۋدەنت, ەلدەگٸ ۋنيۆەرسيتەتتەردٸڭ بٸرٸندە وقىپ جاتىر.
"مەن قازاقستاندامىن, بٸر اپتاداي بۇرىن اتا-انام مەن باۋىرلارىم كٶشٸپ كەلدٸ. ٶزٸم الماتىداعى س.دەميرەل اتىنداعى ۋنيۆەرسيتەتتە قازاق تٸلٸ مەن ەدەبيەتٸ ماماندىعى بويىنشا 4-كۋرستا وقىپ جاتىرمىن. قازٸر ماماندىعىم بويىنشا جۇمىس قاراستىرىپ جاتىرمىن", - دەدٸ ايشولپان.
سونداي-اق, ٶنەرلٸ قىز بٷركٸت ٶنەرٸن تاستاماعانىن ايتتى.
"وقۋ مەن بٷركٸتپەن اينالىسۋدى قاتار الىپ جٷرمٸن. اپتاسىنا بٸر رەت اينالىسامىن. جارىستارعا قاتىسىپ جٷرگەن جوقپىن, تەك قوناق رەتٸندە بارامىن. سەبەبٸ وقۋدان قول تيمەيدٸ", - دەيدٸ بٷركٸتشٸ قىز.
2018 جىلى قاراشادا بٷركٸتشٸ ايشولپان تۋرالى فيلم شىقتى. 2019 جىلى موڭعولييا كومپوزيتورى جەرلەسٸمٸزدٸڭ قۇرمەتٸنە ٶز تۋىندىسىن ارناعان ەدٸ. 2022 جىلى بٷركٸتشٸ ايشولپان تۋرالى اعىلشىن تٸلٸندە كٸتاپ شىقتى.
