Jańa film Ulttyq ulannyń quramyna kiretin arnaiy jasaqtyń qiyn da qaýipti qyzmetine arnalǵan.
Kartina elimizdiń Mádeniet jáne aqparat ministrligi tapsyrysy boiynsha «Ulttyq kinony qoldaý memlekettik ortalyǵy» kómegimen túsirildi.
Týyndy jelisine arnaiy jasaqta qyzmet etetin úsh jaýyngerdiń dostyǵy arqaý bolǵan. Olardyń kúndelikti mindeti – qaýipti qylmystyq toptarǵa qarsy turý. Sondai qylmystyq topqa qarsy teketirestiń birinde úsh jaýyngerdiń dostyǵy synalady.
– Jaýyngerler arasynda kúreń beret degen ózderiniń arnaiy ataǵy bar. Qazaqstan boiynsha osy jyldary áskerde júrgen 200 azamat qana sol kúreń beretke ie bolǵan. Solardyń ómiri kúndelikti qalai shyńdalatyndyǵy, qalai ózderiniń qyzmetin atqaratyndyǵy jaiynda búge shigesine deiin kórsetildi. "Ulttyq kinony qoldaý memlekettik ortalyǵy" KEAQ Basqarma tóraǵasy Qurmanbek Jumaǵali.
«Burkit» rejisser Daniiar Ibragimovtyń debiýttik filmi. Ol buǵan deiin otandyq «Altynshy post» jáne «Qazbat» áskeri ekshn-filmderiniń prodiýseri bolǵan. Filmniń túsirilimine arnaiy jasaq, áskeri tehnika men aviatsiia, sondai-aq eki júzden astam merzimdi áskeri qyzmetshi qatysqan. Jedel-izdestirý sharalary arqaý bolǵan kartinanyń keibir epizodtary shynaiy oqiǵalarǵa negizdelgen. Túsirilim Almaty oblysynyń kórikti jerlerinde, Esik taýlary men Ile ózeninde ótti.
– Kórkem filmde Qazaqstannyń arnaiy maqsattaǵy qyzmet qyzmetkerleriniń kúndelikti oryndap otyrǵan jumysy áskeri dostyǵy men qarym- qatynastary jáne qazirgi tańdaǵy elimizdiń atqaryp otyrǵan qyzmetshilerine arnalǵan kórkem film. Akterlyq quram túsirilim jumystaryna kirispes buryn birneshe apta boiy jaýyngerlik qimyldardy úirendi. Tipti, basty keiipkerlerge bir mezette 3 myń metr biiktikten tikushaqtan parashiýtpen sekirýge týra keldi. Al bul kadrdy túsirý úshin operatorlardyń ózderi de parashiýtpen sekirdi, – deidi QR Ulttyq ulany bas qolbasshysynyń orynbasary Qairat Úmbetov.
Al akter Sanjar Mádi bolsa fil jaiyndaǵy oiyn bylaisha jetkizdi:
– Filmde meniń atym Feniks. Men úshin bul film óte qiyn túsirilim boldy. Sarbazdyń kiimi óte aýyr – 50 kelige deiin jetedi. Basqa kietin áskeri dýlyǵynyń salmaǵy 15 keli tartady, – dedi akter.
Filmniń qoiýshy operatory Azamat Dýlatov, prodiýseri jáne áskeri keńesshisi otstavkadaǵy polkovnik Kamal Jaqsylyqov. Basty rolderde Dáýren Serǵazin, Sanjar Mádi, Asylhan Tólepov, Gúlnáz Jolanova, Ásel Saǵatova, Jandos Aibasov jáne Azamat Satybaldy oinaidy.
Týyndy kinokartinanyń keiipkerleri arqyly Otanǵa degen súiispenshilikti, dostyq pen patriotizmdi, áskeri antqa jáne qyzmettik mindetke degen adaldyqty dáripteidi. Filmdi kinoteatrlardan kórýge bolady.
