Burynǵy diplomat Sáken Mamashtyń isi boiynsha sot jaqynda bastalady, dep habarlaidy Dalanews.kz Orda.kz-ke siltep.
Burynǵy jubaiyn azaptady dep aiyptalǵan Qazaqstannyń BAÁ-degi elshiliginiń eks-keńesshisi Sáken Mamashtyń isi boiynsha tergeý aiaqtaldy. Bul týraly eks-diplomattyń burynǵy jary Karina Gosmannyń advokaty habarlady.
Tergeý shamamen bir jylǵa sozyldy. Sáken Mamashqa QR QK 110-babynyń 2-bóligi («Azaptaý») boiynsha aiyp taǵyldy. Oǵan jeti jylǵa deiin bas bostandyǵynan aiyrý jazasy taǵaiyndalýy múmkin.
«Aiyp QR QK 110-babynyń 2-bóligi boiynsha taǵyldy. Birinshi bóliginde tek túzetý jumystary qarastyrylǵan. Biraq ekinshi bóliginde (erekshe qatygezdikpen azaptaý, dármensiz nemese táýeldi adamǵa qorlyq kórsetý) tórt jyldan jeti jylǵa deiin bas bostandyǵynan aiyrý jazasy qarastyrylǵan jáne balama jaza qarastyrylmaidy», – dedi «Orda» basylymynyń jýrnalisine bergen jaýabynda Gosmannyń advokaty Bibinur Muratova.
Sonymen qatar, burynǵy diplomatty óz jubaiyna qoqan-loqy kórsetti dep aiyptaǵan ekinshi qylmystyq is toqtatylǵan.
Is astana sotynda qaralady. Sot protsesiniń bastalý kúni áli belgilengen joq.
Sáken Mamash tarapynan turaqty túrde zorlyq kórgeni týraly Karina Gosman (ol kezde – Mamash) 2024 jylǵy mamyrda málimdegen bolatyn.
