بۇرىنعى ديپلومات سەكەن ماماشتىڭ ٸسٸ بويىنشا سوت جاقىندا باستالادى

بۇرىنعى ديپلومات سەكەن ماماشتىڭ ٸسٸ بويىنشا سوت جاقىندا باستالادى, دەپ حابارلايدى Dalanews.kz Orda.kz-كە سٸلتەپ.

بۇرىنعى جۇبايىن ازاپتادى دەپ ايىپتالعان قازاقستاننىڭ باە-دەگٸ ەلشٸلٸگٸنٸڭ ەكس-كەڭەسشٸسٸ سەكەن ماماشتىڭ ٸسٸ بويىنشا تەرگەۋ اياقتالدى. بۇل تۋرالى ەكس-ديپلوماتتىڭ بۇرىنعى جارى كارينا گوسماننىڭ ادۆوكاتى حابارلادى.

تەرگەۋ شامامەن بٸر جىلعا سوزىلدى. سەكەن ماماشقا قر قك 110-بابىنىڭ 2-بٶلٸگٸ («ازاپتاۋ») بويىنشا ايىپ تاعىلدى. وعان جەتٸ جىلعا دەيٸن باس بوستاندىعىنان ايىرۋ جازاسى تاعايىندالۋى مٷمكٸن.

«ايىپ قر قك 110-بابىنىڭ 2-بٶلٸگٸ بويىنشا تاعىلدى. بٸرٸنشٸ بٶلٸگٸندە تەك تٷزەتۋ جۇمىستارى قاراستىرىلعان. بٸراق ەكٸنشٸ بٶلٸگٸندە (ەرەكشە قاتىگەزدٸكپەن ازاپتاۋ, دەرمەنسٸز نەمەسە تەۋەلدٸ ادامعا قورلىق كٶرسەتۋ) تٶرت جىلدان جەتٸ جىلعا دەيٸن باس بوستاندىعىنان ايىرۋ جازاسى قاراستىرىلعان جەنە بالاما جازا قاراستىرىلمايدى», – دەدٸ «وردا» باسىلىمىنىڭ جۋرناليسٸنە بەرگەن جاۋابىندا گوسماننىڭ ادۆوكاتى بيبٸنۇر مۇراتوۆا.

سونىمەن قاتار, بۇرىنعى ديپلوماتتى ٶز جۇبايىنا قوقان-لوقى كٶرسەتتٸ دەپ ايىپتاعان ەكٸنشٸ قىلمىستىق ٸس توقتاتىلعان.

ٸس استانا سوتىندا قارالادى. سوت پروتسەسٸنٸڭ باستالۋ كٷنٸ ەلٸ بەلگٸلەنگەن جوق.

سەكەن ماماش تاراپىنان تۇراقتى تٷردە زورلىق كٶرگەنٸ تۋرالى كارينا گوسمان (ول كەزدە – ماماش) 2024 جىلعى مامىردا مەلٸمدەگەن بولاتىن.