SHQO-da mektepte qylmystyq jaýapqa tartylǵan adamdar jumys istegen, - dep habarlaıdy Dalanews.kz.
Shyǵys Qazaqstan oblysy Samar aýdanynyń prokýratýrasy bilim berý uıymdarynda eńbek kodeksin buzý derekterin anyqtady, qylmystyq tarıhy bar adamdar kámeletke tolmaǵandardyń qatysýymen eńbek qyzmetin júzege asyrǵan.
"Atap aıtqanda, Eńbek kodeksiniń 26-baby 2-tarmaǵy 3) tarmaqshasynyń talaptaryna qaıshy, aýdandyq mektepte buryn qasaqana qylmystyq quqyq buzýshylyq jasaǵany úshin qylmystyq jaýapkershilikke tartylǵan muǵalim men 2 kúzetshi jumys istedi.
Sondaı-aq, psıhıatrıalyq buzylýlarǵa baılanysty "D" esebinde turǵan 1 adam (kómekshi personal) balalardyń qatysýymen qyzmetti júzege asyrǵany anyqtaldy", - delingen habarlamada.
Prokýratýra sharalary boıynsha, bilim berý uıymdarynda jumysyna jol berilmeıtin adamdarmen eńbek sharttary buzyldy, kináli laýazymdy adamdar tártiptik jaýapkershilikke tartyldy.
"Zańnamada kózdelgen shekteýleri bar pedagogtiń kásibı qyzmetine ruqsat bergeni úshin mektep basshysy ÁQBtK-niń 409-baby 7-5-bóliginiń 5) tarmaǵy boıynsha 25 AEK mólsherinde aıyppul túrinde ákimshilik jaýapkershilikke tartyldy", - delingen habarlamada.
