شقو-دا مەكتەپتە قىلمىستىق جاۋاپقا تارتىلعان ادامدار جۇمىس ىستەگەن، - دەپ حابارلايدى Dalanews.kz.
شىعىس قازاقستان وبلىسى سامار اۋدانىنىڭ پروكۋراتۋراسى ءبىلىم بەرۋ ۇيىمدارىندا ەڭبەك كودەكسىن بۇزۋ دەرەكتەرىن انىقتادى، قىلمىستىق تاريحى بار ادامدار كامەلەتكە تولماعانداردىڭ قاتىسۋىمەن ەڭبەك قىزمەتىن جۇزەگە اسىرعان.
"اتاپ ايتقاندا، ەڭبەك كودەكسىنىڭ 26-بابى 2-تارماعى 3) تارماقشاسىنىڭ تالاپتارىنا قايشى، اۋداندىق مەكتەپتە بۇرىن قاساقانا قىلمىستىق قۇقىق بۇزۋشىلىق جاساعانى ءۇشىن قىلمىستىق جاۋاپكەرشىلىككە تارتىلعان ءمۇعالىم مەن 2 كۇزەتشى جۇمىس ىستەدى.
سونداي-اق، پسيحياتريالىق بۇزىلۋلارعا بايلانىستى "د" ەسەبىندە تۇرعان 1 ادام (كومەكشى پەرسونال) بالالاردىڭ قاتىسۋىمەن قىزمەتتى جۇزەگە اسىرعانى انىقتالدى"، - دەلىنگەن حابارلامادا.
پروكۋراتۋرا شارالارى بويىنشا، ءبىلىم بەرۋ ۇيىمدارىندا جۇمىسىنا جول بەرىلمەيتىن ادامدارمەن ەڭبەك شارتتارى بۇزىلدى، كىنالى لاۋازىمدى ادامدار تارتىپتىك جاۋاپكەرشىلىككە تارتىلدى.
"زاڭنامادا كوزدەلگەن شەكتەۋلەرى بار پەداگوگتىڭ كاسىبي قىزمەتىنە رۇقسات بەرگەنى ءۇشىن مەكتەپ باسشىسى اقبتك-نىڭ 409-بابى 7-5-بولىگىنىڭ 5) تارماعى بويىنشا 25 اەك مولشەرىندە ايىپپۇل تۇرىندە اكىمشىلىك جاۋاپكەرشىلىككە تارتىلدى"، - دەلىنگەن حابارلامادا.
