Aqmola oblysynyń Tótenshe jaǵdailar departamenti Býrabaida otshashý atqan uiymdy anyqtap, jaýapqa tartty, dep habarlaidy dalanews.kz.
Oqiǵa "Býrabai" memlekettik ulttyq tabiǵi parkine jaqyn ornalasqan Rixos Lake Borovoe qonaqúiiniń aýmaǵynda bolǵan. Áleýmettik jelide taraǵan videoda bir top adamnyń ormandy aýmaqta túnde otshashý atyp jatqany kórinedi.
Bul jaǵdai qoǵamnyń nazaryn aýdardy. Sebebi sol kezde Býrabai aýmaǵynda órt qaýpiniń eń joǵary – besinshi deńgeii belgilengen. Sondai-aq ulttyq park aýmaǵynda pirotehnikalyq zattardy paidalanýǵa tyiym salynǵan.
Video taraǵannan keiin Aqmola oblysynyń TJD tekserý júrgizip, otshashýdy uiymdastyrǵandardy anyqtady.
Tekserý nátijesinde órt qaýipsizdigi talaptaryn buzǵany úshin Rixos Lake Borovoe qonaqúiiniń iesi men otshashýdy atqan uiym ákimshilik jaýapkershilikke tartyldy. Olarǵa Ákimshilik quqyq buzýshylyq týraly kodekstiń 410-babynyń 1-bóligi boiynsha shara qoldanylǵan.
