اقمولا وبلىسىنىڭ تٶتەنشە جاعدايلار دەپارتامەنتٸ بۋرابايدا وتشاشۋ اتقان ۇيىمدى انىقتاپ, جاۋاپقا تارتتى, دەپ حابارلايدى dalanews.kz.
وقيعا "بۋراباي" مەملەكەتتٸك ۇلتتىق تابيعي پاركٸنە جاقىن ورنالاسقان Rixos Lake Borovoe قوناقٷيٸنٸڭ اۋماعىندا بولعان. ەلەۋمەتتٸك جەلٸدە تاراعان ۆيدەودا بٸر توپ ادامنىڭ ورماندى اۋماقتا تٷندە وتشاشۋ اتىپ جاتقانى كٶرٸنەدٸ.
بۇل جاعداي قوعامنىڭ نازارىن اۋداردى. سەبەبٸ سول كەزدە بۋراباي اۋماعىندا ٶرت قاۋپٸنٸڭ ەڭ جوعارى – بەسٸنشٸ دەڭگەيٸ بەلگٸلەنگەن. سونداي-اق ۇلتتىق پارك اۋماعىندا پيروتەحنيكالىق زاتتاردى پايدالانۋعا تىيىم سالىنعان.
ۆيدەو تاراعاننان كەيٸن اقمولا وبلىسىنىڭ تجد تەكسەرۋ جٷرگٸزٸپ, وتشاشۋدى ۇيىمداستىرعانداردى انىقتادى.
تەكسەرۋ نەتيجەسٸندە ٶرت قاۋٸپسٸزدٸگٸ تالاپتارىن بۇزعانى ٷشٸن Rixos Lake Borovoe قوناقٷيٸنٸڭ يەسٸ مەن وتشاشۋدى اتقان ۇيىم ەكٸمشٸلٸك جاۋاپكەرشٸلٸككە تارتىلدى. ولارعا ەكٸمشٸلٸك قۇقىق بۇزۋشىلىق تۋرالى كودەكستٸڭ 410-بابىنىڭ 1-بٶلٸگٸ بويىنشا شارا قولدانىلعان.
