Taurus KEPD 350 zymyrany aǵylshyndardyń Storm Shadow zymyranynan kem túspeitin qarý. Tipti, onyń ózindik artyqshylyqtary da jetip artylady.
Búginde Býndestagtyń syrtqy saiasat jónindegi komitetiniń múshesi Roderih Kizevetter Ýkraina áskerine Taurus zymyranyna berý máselesi kóterýde.
Al Germaniianyń Qorǵanys ministri Boris Pistoriýs bolsa, bul qarýdy Ýkrainaǵa berýge asyqpaýda. Biraq vedmostva basshysy bul máseleni talqylaýdan qashyp otyrǵan joq. Demek, aldaǵy ýaqytta Ýkrainǵa Taurus zymyrany jetkizilýi bek múmkin.
Taurus KEPD 350 zymyrany Bavariianyń Shrobenhaýzen qalasynda ázirlenedi. Bul zymyrandy joiǵysh ushaqtarǵa ornatyp, jaýǵa qarsy qoldanýǵa bolady.
Zymyrannyń atqan kezde ol saǵatyna 800-900 km/saǵ jyldamdyqta ushatyn múmkindikke ie. Zymyranmen 500 shyqyrym qashyqtyqtaǵy nysandardy joiýǵa bolady.
Taurus KEPD 350 zymyranynyń basty ereksheligi ol qalyńdyǵy 1 metrden asatyn beton qabyrǵany qaǵazdai tesip ótedi. Bul – zymyranmen býnkerdi joiyp jiberýge bolady. Ýkrain sarbazdarynyń qolyna bul qarý tietin bolsa, býnkerde panalap kelgen Pýtinniń ishkeni iriń, jegeni jelim bolýy múmkin.
Sonymen qatar Taurus zymyrany áýejai, temir joly, kópir syndy nysandardy talqandaýǵa taptyrmaityn qarý.
Taurus KEPD 350 zymyranynyń taǵy bir ereksheligi – ol jer betine jaqyn 50 metr biiktikte ushatyndyqtan ony áýe qorǵanysyna qarsy keshenderdiń kórýi qiyn. Uzyndyǵy 5,1 metr, salmaǵy 1500 keli bolatyn zymyran ózimen birge 480 keli jarylǵysh zatty alyp usha alady.
