Taurus KEPD 350 زىمىرانى اعىلشىنداردىڭ Storm Shadow زىمىرانىنان كەم تٷسپەيتٸن قارۋ. تٸپتٸ, ونىڭ ٶزٸندٸك ارتىقشىلىقتارى دا جەتٸپ ارتىلادى.
بٷگٸندە بۋندەستاگتىڭ سىرتقى ساياسات جٶنٸندەگٸ كوميتەتٸنٸڭ مٷشەسٸ رودەريح كيزەۆەتتەر ۋكراينا ەسكەرٸنە Taurus زىمىرانىنا بەرۋ مەسەلەسٸ كٶتەرۋدە.
ال گەرمانييانىڭ قورعانىس مينيسترٸ بوريس پيستوريۋس بولسا, بۇل قارۋدى ۋكرايناعا بەرۋگە اسىقپاۋدا. بٸراق ۆەدموستۆا باسشىسى بۇل مەسەلەنٸ تالقىلاۋدان قاشىپ وتىرعان جوق. دەمەك, الداعى ۋاقىتتا ۋكراينعا Taurus زىمىرانى جەتكٸزٸلۋٸ بەك مٷمكٸن.
Taurus KEPD 350 زىمىرانى باۆارييانىڭ شروبەنحاۋزەن قالاسىندا ەزٸرلەنەدٸ. بۇل زىمىراندى جويعىش ۇشاقتارعا ورناتىپ, جاۋعا قارسى قولدانۋعا بولادى.
زىمىراننىڭ اتقان كەزدە ول ساعاتىنا 800-900 كم/ساع جىلدامدىقتا ۇشاتىن مٷمكٸندٸككە يە. زىمىرانمەن 500 شىقىرىم قاشىقتىقتاعى نىسانداردى جويۋعا بولادى.
Taurus KEPD 350 زىمىرانىنىڭ باستى ەرەكشەلٸگٸ ول قالىڭدىعى 1 مەتردەن اساتىن بەتون قابىرعانى قاعازداي تەسٸپ ٶتەدٸ. بۇل – زىمىرانمەن بۋنكەردٸ جويىپ جٸبەرۋگە بولادى. ۋكراين ساربازدارىنىڭ قولىنا بۇل قارۋ تيەتٸن بولسا, بۋنكەردە پانالاپ كەلگەن پۋتيننٸڭ ٸشكەنٸ ٸرٸڭ, جەگەنٸ جەلٸم بولۋى مٷمكٸن.
سونىمەن قاتار Taurus زىمىرانى ەۋەجاي, تەمٸر جولى, كٶپٸر سىندى نىسانداردى تالقانداۋعا تاپتىرمايتىن قارۋ.
Taurus KEPD 350 زىمىرانىنىڭ تاعى بٸر ەرەكشەلٸگٸ – ول جەر بەتٸنە جاقىن 50 مەتر بيٸكتٸكتە ۇشاتىندىقتان ونى ەۋە قورعانىسىنا قارسى كەشەندەردٸڭ كٶرۋٸ قيىن. ۇزىندىعى 5,1 مەتر, سالماعى 1500 كەلٸ بولاتىن زىمىران ٶزٸمەن بٸرگە 480 كەلٸ جارىلعىش زاتتى الىپ ۇشا الادى.
