Prezident Toqaev Úkimettiń keńeitilgen otyrysynda Ulttyq banktiń qyzmetine toqtalyp, qarjy retteýshisiniń burynǵy ustanymy qazirgi jaǵdaida tiisti nátije bermeitinin málimdedi, dep habarlaidy Dalanews.kz.
Memleket basshysynyń aitýynsha, Ulttyq bank óziniń mandaty aiasynda jumys istep jatyr, alaida bul baǵytta birqatar másele saqtalýda. Sonyń ishinde halyqty eń aldymen ulttyq valiýta – teńgeniń turaqsyzdyǵy alańdatady. Sarapshylardyń boljamy boiynsha, AQSh dollarynyń nyǵaiýy teńgege qysym kórsetip, baǵamnyń qubylýyna áser etýi múmkin.
“Ulttyq banktiń Úkimetpen tyǵyz yntymaqtastyqta infliatsiiany aýyzdyqtaý jáne valiýta turaqtylyǵyn qamtamasyz etý jónindegi jumysy asa mańyzdy”, – dedi Prezident.
Toqaev Úkimettiń keńeitilgen otyrysynda qarjy salasyndaǵy ahýaldy “erekshe” dep atap ótti. Onyń pikirinshe, Ulttyq banktiń “táýelsizdik, óz betinshe áreket etý” qaǵidatyna súiengen eski tásili qazirgidei kúrdeli jaǵdaida jetkiliksiz bolýy múmkin.
“Burynǵy ‘biz táýelsizbiz, jeke áreket etemiz’ degen ustanym endi jumys istemeidi, sebebi jaǵdai ózgeshe. Bul týraly keiinirek naqtyraq aitatyn bolamyn”, – dedi Memleket basshysy.
Sarapshylar Ulttyq banktiń Úkimetpen qatar áreket etýi infliatsiia men valiýtanyń turaqtylyǵyna tikelei yqpal etedi dep sanaidy. Al Toqaevtyń “jańa tásil” týraly málimdemesi qarjy naryǵyn retteýde ári qarai qandai ózgerister bolatynyna qoǵamnyń nazaryn aýdaryp otyr.
