Elimizde óndiriletin taǵam ónimderi kólemin arttyrý jáne importtyq azyq-túlikterdi azaitý – pandemiia kezeńinde erekshe sipattaǵy ótkir másele bolǵany belgili. Bul jaiynda Memleket basshysy Qasym-Jomart Toqaevtyń Joldaýynda «Aýyl sharýashylyǵyn damytpai, básekege qabiletti ekonomika qurý múmkin emes» dep aitqan bolatyn.
– Osy baǵytta beriletin sýbsidiialaý erejeleri mal bordaqylaý oryndarynda bir mezgilde kóp mólsherde mal basynyń bolýyn talap etedi. Onyń talaptaryn kishi sharýashylyq túgili, iri sharýashylyqtardyń ózi oryndai almai otyr, – dedi atap ótti senator.
Qoldanystaǵy erejede iri qara malyn bordaqylaý oryndarynda bir mezgilde 5000 bas maldy ustaý kerek eken. Eger qorańyzda munshama bas mal bolmasa sýbsidiia alamyn dep dámelenbei-aq qoiyńyz.
Jergilikti jerden shabylǵan shóp mal azyǵy úshin jetkiliksiz bolýyna bailanysty mal sharýashylyǵyna qajetti qurama jem men azyqtyq dán elimizdiń astyqty aimaqtarynan satyp alynyp, tasymaldanatyny belgili. Bul fermerlerge qarjylai aýyrtpalyq túsiretini aitpasa da túsinikti. Depýtattyń aitýynsha, osynyń bári shaǵyn jáne orta biznestiń damýyna jáne aimaqtardy jergilikti et ónimderimen qamtamasyz etýge kedergi keltirýde.
Depýtat Palatanyń jalpy otyrysynda: «Elimiz boiynsha jańa damyp kele jatqan kishi sharýashylyqtardy kóterý jáne ózimizdi taza sapaly et ónimderimen qamtamasyzý etý úshin bordaqylaý alańdarynda bir mezgilde turatyn mal sanyn tómendetý qajet» deidi.
Ǵumar Dúisembaevtiń aitýynsha, erejede ár oblystyń erekshelegin eskere otyryp, ártaraptandyrý túrinde qaraý qajet. Joǵaryda atalǵan eki oblysta bir mezgilde bordaqylaýǵa turatyn mal sanyn erejede 500 basqa deiin tómendetse, osy kásippen ainalysatyn sharýa qojalyqtary birtindep aiaqqa turǵannan keiin bir mezgilde ustaityn mal sanyn ulǵaitýǵa múmkindik beredi.
