Arman Jumageldievtiń burynǵy jubaiy Aikól Alekjanova suhbat barysynda eks-kúieýimen ajyrasýy týraly alǵash ret ashyq pikir bildirdi, dep habarlaidy dalanews.kz.
Onyń sózinshe, Armanǵa úkim shyqqan kezde ózi Bishkekte bolǵan. Sol ýaqytta aldymen qyzy, keiin ózi qyzylshamen aýyryp, otbasy úshin qiyn kezeńdi bastan ótkergen.
Aikól sol sátte kúieýin tastap ketý týraly oi bolmaǵanyn aitty.
"Ony osyndai jaǵdaida tastap ketý týraly oi bolǵan joq. Men ony tastamadym. Eger ol maǵan tańdaý bergende... Biraq ol tańdaý bergen joq", – dedi ol.
Burynǵy jubaiy ajyrasý óziniń bastamasy bolmaǵanyn da atap ótti. Onyń aitýynsha, qarym-qatynas barysynda eki taraptan da qatelikter ketken, alaida ol Armannyń jaǵdaiyn eskerip, kóp nárseni keshirýge tyrysqan. Soǵan qaramastan, Aikól ajyrasýǵa naqty ne sebep bolǵanyn ashyp aitýdan bas tartty. Ol bul máseleniń otbasylyq qupiia bolyp qalýy keregin jetkizdi.
"Barlyq jaǵdaidyń qalai bolǵanyn aitqym kelmeidi. Bul – jeke másele. Maǵan muny qabyldaýdan basqa amal qalmady. Ol qaityp oralmaityndai bir shekten ótti. Naqty ne bolǵany otbasymyzda qalýy kerek", – dedi Aikól.
Sonymen birge burynǵy erli-zaiyptynyń araqatynasy tolyq úzilmegen. Aikól Armandy ortaq qyzynyń ákesi retinde qoldaitynyn aitty. Onyń sózinshe, qyzy ákesin umytpaý úshin oǵan Armannyń sýretteri men videolaryn kórsetip turady.
"Men ony qoldaimyn, ol úshin duǵa jasaimyn. Qyzyma ákesiniń sýretteri men videolaryn únemi kórsetemin. Ákesin tanyp, esinde saqtaǵanyn qalaimyn. Ol óskende ákesi ony jaqsy kóretinin, tek qasynda bola almaitynyn túsinse deimin", – dedi ol.
Aikól Alekjanova burynǵy jubaiymen qarym-qatynasyn jeke ómiriniń bir bóligi retinde qabyldaitynyn jáne keibir jaittardy kópshilikke jariia etkisi kelmeitinin jetkizdi.
