ارمان جۇماگەلديەۆتٸڭ بۇرىنعى جۇبايى ايكٶل الەكجانوۆا سۇحبات بارىسىندا ەكس-كٷيەۋٸمەن اجىراسۋى تۋرالى العاش رەت اشىق پٸكٸر بٸلدٸردٸ, دەپ حابارلايدى dalanews.kz.
ونىڭ سٶزٸنشە, ارمانعا ٷكٸم شىققان كەزدە ٶزٸ بٸشكەكتە بولعان. سول ۋاقىتتا الدىمەن قىزى, كەيٸن ٶزٸ قىزىلشامەن اۋىرىپ, وتباسى ٷشٸن قيىن كەزەڭدٸ باستان ٶتكەرگەن.
ايكٶل سول سەتتە كٷيەۋٸن تاستاپ كەتۋ تۋرالى وي بولماعانىن ايتتى.
"ونى وسىنداي جاعدايدا تاستاپ كەتۋ تۋرالى وي بولعان جوق. مەن ونى تاستامادىم. ەگەر ول ماعان تاڭداۋ بەرگەندە... بٸراق ول تاڭداۋ بەرگەن جوق", – دەدٸ ول.
بۇرىنعى جۇبايى اجىراسۋ ٶزٸنٸڭ باستاماسى بولماعانىن دا اتاپ ٶتتٸ. ونىڭ ايتۋىنشا, قارىم-قاتىناس بارىسىندا ەكٸ تاراپتان دا قاتەلٸكتەر كەتكەن, الايدا ول ارماننىڭ جاعدايىن ەسكەرٸپ, كٶپ نەرسەنٸ كەشٸرۋگە تىرىسقان. سوعان قاراماستان, ايكٶل اجىراسۋعا ناقتى نە سەبەپ بولعانىن اشىپ ايتۋدان باس تارتتى. ول بۇل مەسەلەنٸڭ وتباسىلىق قۇپييا بولىپ قالۋى كەرەگٸن جەتكٸزدٸ.
"بارلىق جاعدايدىڭ قالاي بولعانىن ايتقىم كەلمەيدٸ. بۇل – جەكە مەسەلە. ماعان مۇنى قابىلداۋدان باسقا امال قالمادى. ول قايتىپ ورالمايتىنداي بٸر شەكتەن ٶتتٸ. ناقتى نە بولعانى وتباسىمىزدا قالۋى كەرەك", – دەدٸ ايكٶل.
سونىمەن بٸرگە بۇرىنعى ەرلٸ-زايىپتىنىڭ اراقاتىناسى تولىق ٷزٸلمەگەن. ايكٶل ارماندى ورتاق قىزىنىڭ ەكەسٸ رەتٸندە قولدايتىنىن ايتتى. ونىڭ سٶزٸنشە, قىزى ەكەسٸن ۇمىتپاۋ ٷشٸن وعان ارماننىڭ سۋرەتتەرٸ مەن ۆيدەولارىن كٶرسەتٸپ تۇرادى.
"مەن ونى قولدايمىن, ول ٷشٸن دۇعا جاسايمىن. قىزىما ەكەسٸنٸڭ سۋرەتتەرٸ مەن ۆيدەولارىن ٷنەمٸ كٶرسەتەمٸن. ەكەسٸن تانىپ, ەسٸندە ساقتاعانىن قالايمىن. ول ٶسكەندە ەكەسٸ ونى جاقسى كٶرەتٸنٸن, تەك قاسىندا بولا المايتىنىن تٷسٸنسە دەيمٸن", – دەدٸ ول.
ايكٶل الەكجانوۆا بۇرىنعى جۇبايىمەن قارىم-قاتىناسىن جەكە ٶمٸرٸنٸڭ بٸر بٶلٸگٸ رەتٸندە قابىلدايتىنىن جەنە كەيبٸر جايتتاردى كٶپشٸلٸككە جارييا ەتكٸسٸ كەلمەيتٸنٸن جەتكٸزدٸ.
