«Qazaqstan memlekettik deńgeide orys tilin baiaý, dese de qalai bolǵanda da yǵystyrýdy jalǵastyrýda. Respýblikanyń Kólik ministrligi birneshe vokzaldyń atyn ózgertip, oryssha ataýlardy qazaqshaǵa aýystyrǵysy keledi. Mysaly, «Ýralsk» stantsiiasyn «Oralǵa», «Ýzendi» «Jańaózenge» jáne t.b. aýystyrýdy usynyp otyr. Baltyq jaǵalaýy elderiniń tájiribesi kórsetkendei, bul - óte qaýipti úrdis. Munda da bári kishkentai dúnielerden bastalyp, keiin naǵyz apatqa ainalady: orys mektepteri jabylady, keńestik eskertkishter alynyp tastalady, orys tiline tyiym salynady, sodan soń zeinetkerler sýyq jaqqa qýylady», - dep jazdy Tina Kandelaki Telegram paraqshasynda.
Qazaqstandyq jýrnalist Dinara Sátjan Kandelakige Qazaqstannyń táýelsiz memleket ekenin jáne qazaqstandyqtar temirjol vokzaldaryn qalai ataitynyn ózderi sheshetinin eske saldy.
«Ekinshiden, Qazaqstan táýelsizdik alǵan jyldar ishinde Keńes ókimeti jyldarynda joǵalǵan ana tilin birtindep qaitaryp keledi.
Úshinshiden, orys tili elimizde resmi túrde qazaq tilimen teń qoldanylady, al qazaq tili - memlekettik til! Bul bizdiń Konstitýtsiiada 7-bappen bekitilgen. Temir jol vokzaldary siz jazǵandai ózgertilgen joq, biraq qazaq tilindegi durys aýmaqtyq ataýlaryna aýysty. Orystyń yǵysýynyń buǵan qandai qatysy bar? Biz tek memlekettik tilde ǵana emes, orys, aǵylshyn tilderinde de sóileimiz. Bul - bizdiń kúshimiz!» – dep jaýap berdi D.Sátjan.
