Memleket basshysy kólik salasynyń qyzmetkerlerin marapattady. Kezdesý barysynda birqatar mańyzdy jaıtqa qatysty pikir bildirdi, dep habarlaıdy Dalanews.kz.

Qasym-Jomart Toqaevtyń pikirinshe, taǵy bir mańyzdy baǵyt – mashına jasaý sektory.

"Álemniń eń ozyq kompanıalaryn tarta otyryp, jergilikti óndiristi damytý ózekti. Qazir Qazaqstanda sheteldik úzdik kompanıalar jumys isteıdi. Men jyl basynda Astanadaǵy elektrovoz qurastyrý kásipornyna bardym. Onda júk jáne jolaýshylar tasymaldaıtyn elektrovoz ben qosalqy bólshekter shyǵarylyp jatyr. Eń bastysy osyndaı mańyzdy jumysty óz mamandarymyz atqaryp jatyr. Memleket mundaı jobalarǵa jan-jaqty qoldaý kórsete bermek", – dedi Prezıdent.

Memleket basshysy áýe qatynastaryn damytý kólik saıasatyndaǵy basym mindetterdiń biri ekenin atap ótti.

"Búkil el boıynsha avıasıa ınfraqurylymyn jańǵyrtý úshin keshendi jumys júrgizilip jatyr. Mysaly byltyr Almaty, Shymkent jáne Qyzylorda qalalarynda jańa termınaldar iske qosyldy. Áýejaılardyń ótkizý qabileti aıtarlyqtaı artty. Buryn Almaty áýejaıy jylyna 2,5 mıllıon jolaýshyǵa ǵana qyzmet kórsete alatyn. Búginde bul kórsetkish 14 mıllıonǵa deıin ulǵaıdy. Meniń tapsyrmammen Zaısanda, Katonqaraǵaıda jáne Kendirlide úsh jańa áýejaı salynyp jatyr. Arqalyq áýejaıy qalpyna keltirile bastady. Mundaı jobalardyń júzege asýy jolaýshylar nópirin kóbeıtip qana qoımaıdy, logıstıka, týrızm, saýda jáne basqa da qosalqy salalardyń damýyna serpin beredi. Áýe reısteriniń geografıasyn keńeıtý maqsatynda turaqty túrde júıeli sharalar qabyldap jatyrmyz. Qazirgi kezde Qazaqstannyń 30-dan asa elmen tikeleı áýe qatynasy bar. Biraq bul az. Bul baǵyttaǵy jumys jalǵasady", – dedi Memleket basshysy.