Búgin Memleket basshysy Qasym-Jomart Toqaevtyń tóraǵalyǵymen quqyq qorǵaý organdarynyń keńeitilgen alqa otyrysy ótedi, dep habarlaidy Dalanews.kz.
Bul týraly prezidenttiń baspasóz hatshysy Rýslan Jeldibai málimdedi. Jiynǵa QR Úkimeti, Prezident Ákimshiligi, Bas prokýratýra, Ishki ister ministrligi, Qarjy monitoringi agenttigi, Sybailas jemqorlyqqa qarsy is-qimyl agenttiginiń basshylary qatysady.
Aita keteiik, Qazaqstanda 23 maýsym – Politsiia kúni retinde atap ótiledi. Bul kún 1992 jyly qabyldanǵan "Qazaqstan Respýblikasynyń ishki ister organdary týraly" zań negizinde belgilengen. Mereke quqyq qorǵaý salasynda qyzmet etip júrgen tártip saqshylarynyń kásibi eńbegin moiyndaý jáne qurmet kórsetý maqsatynda engizilgen.
Osy kúni elde politsiia qyzmetkerleri marapattalyp, saltanatty is-sharalar uiymdastyrylady. Sonymen qatar, bul kún – qoǵam tynyshtyǵy men qaýipsizdigin qamtamasyz etýde jan aiamai eńbek etip júrgen jandardyń mártebesin kóterýge baǵyttalǵan.
