بۇگىن مەملەكەت باسشىسى قاسىم-جومارت توقايەۆتىڭ توراعالىعىمەن قۇقىق قورعاۋ ورگاندارىنىڭ كەڭەيتىلگەن القا وتىرىسى وتەدى، دەپ حابارلايدى Dalanews.kz.
بۇل تۋرالى پرەزيدەنتتىڭ باسپا ءسوز حاتشىسى رۋسلان جەلدىباي مالىمدەدى. جيىنعا ق ر ۇكىمەتى، پرەزيدەنت اكىمشىلىگى، باس پروكۋراتۋرا، ىشكى ىستەر مينيسترلىگى، قارجى مونيتورينگى اگەنتتىگى، سىبايلاس جەمقورلىققا قارسى ءىس-قيمىل اگەنتتىگىنىڭ باسشىلارى قاتىسادى.
ايتا كەتەيىك، قازاقستاندا 23 ماۋسىم – پوليسيا كۇنى رەتىندە اتاپ وتىلەدى. بۇل كۇن 1992 جىلى قابىلدانعان "قازاقستان رەسپۋبليكاسىنىڭ ىشكى ىستەر ورگاندارى تۋرالى" زاڭ نەگىزىندە بەلگىلەنگەن. مەرەكە قۇقىق قورعاۋ سالاسىندا قىزمەت ەتىپ جۇرگەن ءتارتىپ ساقشىلارىنىڭ كاسىبي ەڭبەگىن مويىنداۋ جانە قۇرمەت كورسەتۋ ماقساتىندا ەنگىزىلگەن.
وسى كۇنى ەلدە پوليسيا قىزمەتكەرلەرى ماراپاتتالىپ، سالتاناتتى ءىس-شارالار ۇيىمداستىرىلادى. سونىمەن قاتار، بۇل كۇن – قوعام تىنىشتىعى مەن قاۋىپسىزدىگىن قامتاماسىز ەتۋدە جان اياماي ەڭبەك ەتىپ جۇرگەن جانداردىڭ مارتەبەسىن كوتەرۋگە باعىتتالعان.
